Efser û aborînas û siyasetmedar Mihemed Musa Sadiq, bi navê (Mihemed Feylî), hatiye nas kirin. Di sala 1950 an de li yekemîn konferansa Bexdayê de ji aliyê nûnerên konferansê ve bi Endamê Komîteya Navendî ya Partiya Dêmokrata Kurd hatiye hilbijartin. Di sala 1953 li Desteya Damezrênerê Yekîtiya Lawên Demokratên Kurdistanê bûye. Di heman salê de li kongreya yekem ya Yekîtiya Qutabiyên (Xwendekarên) Kurdistanê da bi Endamê Desteya Kargêriyê hatiye hilbijartin. Di sala 1953 bûye yekemîn Sekreterê Yekîtiya Lawên Demokratên Kurdistanê. Piştî konferansa Mawet û ji Partiyê veqetiya. Di sala 2007 li Bexda koça dawî kiriye.
Jiyanname
Mihemed Musa Sadiq di sala 1927 li Bexdayê ji dayik bûye. Ji malbateke Kurdên Feylî yên bazirgane û ew bi xwe jî bi karê bazirganiyê ve mijûl bûye. Di sala 1953 bekaloryosê ji Kolêja Bazirganî û Aborî ya Zanîngeha Bexdayê wergirtiye. Di sala 2007 li bajarê Bexdayê koça dawî kiriye û li goristana Necef bi axê hatiye spartin. Şarezayê zimanên Kurdî, Erebî û Îngilîzî bûye.
Xebatname
Mihemed Musa Sadiq di sala 1947 li rêya Dr Cefer Mihemed Kerîm (1910 - 2000) peywendiyê bi rêzên Partiya Dêmokrata Kurd re kiriye. Di sala 1950 li konferansa yekem ya li bajarê Bexdayê ji aliyê nûnerên konferansê ve bi Endamê Komîteya Navendî ya Partiya Demokrata Kurd hatiye hilbijartin û piştî Dr Cefer Feylî bi duyemîn Kurdê Feylî yê li Serkirdayetiya Partiya Dêmokrata Kurd da tê hejmar kirin.
Nûnerê Kongreya duyem 1951, sêyem 1953, çarem 1959 û pêncem 1960 ya PDK bûye. Di sala 1953 li Desteya Damezrênerê Yekîtiya Lawên Demokratên Kurdistanê li bajarê Bexdayê bûye û bûye yekemîn Sekreterê Yekîtiya Lawên Demokratên Kurdistanê û heman salê de li kongreya yekem ya Yekîtiya Qutabiyên (Xwendekarên) Kurdistanê da bi Endamê Desteya Kargêrî hatiye hilbijartin.
Di sala 1959 an de beşdariya konferansa duyem ya Bexdayê ya Partiya Dêmokrata Yekgirtiya Kurdistanê ya li bajarê Bexdayê de kiriye û dijî bi bala Hemze Ebdula deng daye bi silbûna wan ya heta kongreya çarem ya PDK. Di sala 1964 li veqetandinên di nava Partiya Dêmokrata Kurdistanê de dev ji çalakiyên partiyetiyê aniye.
Çavkanî:
1- Arşîva Desteya însîklopediya Partiya Dêmokrata Kurdistanê.
2- Dîroka Partiya Dêmokrata Kurdistanê, kongre û konferans (program û peyrewên navxweyî), Desteya Ansîklopediya Partiya Dêmokrata Kurdistanê, Bergê Yekem, (Hewlêr - Çapxaneya Roksana - 2021).
3- Mehdî Mihemed Qadir, Pêşhatên Siyasî yên Kurdistana Iraqê 1945 - 1958, (Silêmanî ـ Navenda Lêkolînên Stratejiyên Kurdistanê 2005).
4- Hebîb Mihemed Kerîm, Tarîx Al Hizb Al Demoqratî Al Kurdistanî ـ Al Iraq (Fî Muhatat Rîesiye) 1946 - 1993, (Dihok ـ Matbaa Xebat 1998).
5- Newzad Fuad Reşîd, Çepke Gulek li Dîroka Yekîtiya Lawên Demokratên Kurdistanê, (Hewlêr ـ Çapxaneya Welat 2014).
6- Mam Celal, Lil minasibe merur 46 ama lîl Tasîs Atihad Taleba Kurdistan, Sehîfe Al Atihad, Al Sehîfe Al Merkeziye Lil Atihad Al Wetanî Al Kurdistanî, Al aded 306, Al Sene Al Sabe, Al Silêmaniye, Al cem 19 şubat 1999.
