یاساناس و سیاسەتمەدار شیرین ئیبراهیم فه‌تاح، ناسراو به شیرین ئامێدی، ساڵی ١٩٨٣ په‌یوه‌ندی به ڕیزه‌كانی پارتییه‌وه كردووه، نوێنەری کۆنگرەی دەیەم ١٩٨٩ بووە و لە کۆنگرەکانی یازده‌یه‌‌م ١٩٩٣ و دوازدەیەم ١٩٩٩دا به ئه‌ندامی كۆمیته‌ی ناوه‌ندی و لە كۆنگره‌ی سێزده‌یه‌‌م ٢٠١٠دا بە ئه‌ندامی ئه‌نجومه‌نی سه‌ركردایه‌تی پارتی دیموكراتی كوردستان هەڵبژێردراوە.
ژیاننامە
شیرین ئامێدی ساڵی ١٩٦٧ لە شاری دهۆک له‌دایكبووە، ساڵی ١٩٨٦ له كۆلێژی كشتوكاڵی زانكۆی موسڵ وه‌رگیراوه و هەمان ساڵ به مه‌به‌ستی خۆپاراستن له پیاوانی ده‌زگاكانی هه‌واڵگری حكومه‌تی عێراق ڕووی كردووه‌ته ناوچه ئازادكراوه‌كان، پاش ئەوەی بڕوانامەی بەکالۆریۆسی یاسا بە دەستهێنا، ساڵی ٢٠٠٤ وه‌ك قوتابی ماسته‌ری یاسا له زانكۆی سه‌ڵاحه‌دین-هه‌ولێر وه‌رگیراوه. شاره‌زای زمانی كوردی، عه‌ره‌بی، فارسی و ئینگلیزییه.
خەباتنامە
شیرین ئامێدی ساڵی ١٩٨٣ په‌یوه‌ندی به ڕیزه‌كانی پارتیه‌وه كردووه، ساڵی ١٩٨٨ له دوای ئه‌نفالی بادینان، ڕووی له وڵاتی توركیا كردووه و بۆ ماوه‌یه‌ك له ئۆردوگای گه‌ڤه‌ر نیشته‌جێ بووە و دواتر له ساڵی ١٩٨٩ ڕووی له وڵاتی ئێران كردووه و وه‌ك په‌نابه‌ر له‌وێ ژیانی به‌سه‌ر بردووه.
نوێنەری کۆنگرەی دەیەم ١٩٨٩ بووە و لە کۆنگرەکانی یازده‌یه‌‌م ١٩٩٣ و دوازدەیەم ١٩٩٩دا به ئه‌ندامی كۆمیته‌ی ناوه‌ندی و لە كۆنگره‌ی سێزده‌یه‌‌م ٢٠١٠دا بە ئه‌ندامی ئه‌نجومه‌نی سه‌ركردایه‌تی پارتی دیموكراتی كوردستان هەڵبژێردراوە.
ساڵی ١٩٩١ گه‌ڕاوه‌ته‌وه باشووری كوردستان و په‌یوه‌ندی به ڕیزه‌كانی یه‌كێتی ئافره‌تانی كوردستانه‌وه كردووه و ساڵانی (١٩٩٢-٢٠٠٧) سكرتێری یه‌كێتی ئافره‌تانی كوردستان بووه.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
