Di koleksiyonê de bigere, bi kategorî, ziman, û dîroka weşanê parzûn bike.
1.361 encam
Lêdana Rebaya Şkêra çalakiyeke hêza Pêşmergeyên Kurdistanê bû dijî hêza çekdarên kirêgirtî (caş), di 19ê kanûna duyem a 1986ê de hêzeke Pêşmergeyên rêxistinên ser bi Lijneya Navçeya Zaxo ya Partiya Demokrat a Kurdistanê êrîşî Rebaya Şkêra li navçeya Gulî ya devera Badînan kirin, karîn dest bi ser rebayê de bigirin û ziyaneke mezin a canî û madî bigihînin çekdarên kirêgirtî.
Hikûmeta Îraqê di bihara 1974ê de şer bi ser Kurdistanê de sepand, êrîşeke berbelav kir ser bajarê Zaxo, bi mebesta şikandina dorpêça hêza Pêşmerge li ser serbazgeheke artêşê li bajarî. Piştî çend hefteyan ji êrîşa berdewam a artêşê bi palpiştiya tank, top û firokeyên şer û çekdarên kirêgirtî (caş) karîn dorpêça ser serbazgehê bişkînin û biçin nav bajarê Zaxo.
Çalakiyeke hêza Pêşmergeyên Kurdistanê ye li nêzîkî gundê Bane Sûrê yê derdora Dihokê li devera Badînanê, dema ku hêzeke Pêşmergeyên ser bi rêxistina Rêncberan ve kemînek li ser cadeya sereke ya Mangêşkê danîn, otomobîlekî çekdarên kirêgirtî (cahş) ket kemînê û di demek kurt de dest bi ser de hat girtin û hemû rêwiyên wê hatin kuştin û dest bi ser hemû çekên wan de hat girtin.
Şerê Rebaya Duwanzde Mılanê çalakiyeke partîzanî ya Hêzên Pêşmerge li sînorê devera Badînan bû, hêzeke hevbeş a her du rêxistinên Rêncberan û Şehîd Hemîd, ser bi Lijneya Navçeya Zaxo ya Partiya Demokrat a Kurdistanê, li nêzîkî Zaxo êrîşî rebayeke leşkerî kirin û di demekê kurt de karîn desteser bikin û derbeyeke mezin li serbazên rebayê bixin, paşê dest bi ser çek û cebilxane û bi qasî zêde kelûpelên leşkerî de girtin û piştre vegeriyan cihên xwe.
Ew şer çalakiyeke din a hêzeke Pêşmergeyên Kurdistanê li sînorê Lijneya Navçeya Duhokê ya Partiya Demokrat a Kurdistanê ye. Di wî şerî de 25 Pêşmerge di şeva 19 li ser 20ê Nîsana 1983 li ser rêya Bagêra–Swaretoka kemîneke wan ji bo hêzên Artêşa Iraqê danîbûn,...
Lêdana rebaya Girê Biê çalakiyeke Hêzên Pêşmergeyên Kurdistanê bû dijî hêza serbazî ya rejîma Beis, di 28ê Tebaxa 1985ê de hêzeke Pêşmergeyên ser bi Lijneya Navçeya Zaxo ya Partiya Demokrat a Kurdistanê, êrîş kirin ser binkeya serbazî ya Girê Biê li navçeya Guliya ya devera Badînan, lê ji ber hebûna mînekên zêde li derdora rebayê û teqîna wan bi hejmarek Pêşmergeyan, nekariyan dest deynin ser wê, ziyaneke zêde gihîşt wan di warê Şehîd û birîndaran de, bi wê sedemê dest ji girtina rebayê berdan û termên Şehîd û birîndarên xwe rizgar kirin.
Reşîd Salih Reşîd, sala 1973ê li gundê Stûnî ji dayik bûye. Sala 1985ê peywendî bi rêxistinên Partiya Demokrat a Kurdistanê kiriye, sala 1991ê peywendî bi Hêzên Pêşmerge kiriye, sala 1997ê Şehîd bûye.
Lêdana rebaya Masikê yek ji çalakiyên partîzanî yên hêza Pêşmerge li dijî hêza serbazî ya rejîma Beis bû, ku êrîş birin ser binkeyeke serbazî ya Artêşa Iraqê li navçeya Şêxan a devera Badînan di hezîrana 1983ê de, di demek kurt de karîn dest bi ser binkeya serbazî û çek û teqemeniyan de bigirin û du serbaz jî dîl bigirin, paşê gava çalakî bi serkeftî encam dan, cihê xwe bicîh hiştin.
Bosêya gundê Berbankê çalakiyeke hêza Pêşmerge ya Kurdistanê bû li dijî hêzên rejîma Beis, di 12ê sibata 1988an de li nêzî gundê Berbankê rêya navbera Bamernê û Skrînê bosêyek ji bo hêzên hikûmetê danîn, otomobîlekî hêzên ewlehiyê ket bosêyê û tevahiya siwarên wê hatin kuştin û dîl girtin, piştî temambûna çalakiyê, hêza Pêşmerge cihê xwe bicîh hiştin û vegeriyan.
Ev destan di tebaxa 24 a 1963an de li devera Barzan nêzîkî nahiya Şêrwan Mezin a ser bi qezaya Mêrgesorê rû da, dema ku Artêşa Iraqê bi hemahengî ligel çekdarên kirêgirtî (cahş) mebesta dagirkirina wê deverê hebû daku serên şoreşa Kurd ji nav bibe û dawî li şoreşa Îlonê bîne, hêza Pêşmerge jî li hember wan rawestiyan û ziyanên canî yên zêde gihandin wan, di encamê de bi rêya gotûbêj û rêkeftinê dawî li şer hat.
Ev destan di 4ê Tebaxa sala 1963ê de di navbera Barzan û Blê û derdora wê de qewimî, Artêşa Iraqê êrîş bir ser Barzan û gundên derdora wê da ku dest deyne ser û wêran bike û şoreşa Kurd li wê deverê têk bibe, lê hêza Pêşmerge bi serkirdatiya rasterast a Barzanî rêberê şoreşê bi tundî li ber xwe dan û nehîştin plana wan bi ser bikeve, piştî çendîn êrîş û ziyanên mezin ên canî yên ku gihîştin hêza êrîşkar, şer û êrîş bi gotûbêj û aştiyê bi dawî hat.
Serhildana Şoreşa Eylûlê û teqîna nerazîbûna Kurd li hemberî bêsoziya rejîma Ebdulkerîm Qasim (1958-1963), kir ku di heyama çend mehan de gelek bajar û bajarokên Başûrê Kurdistanê bikevin destê Pêşmerge û ji aliyê şoreşê ve bên birêvebirin...
