ژیاننامە
یەحیا عەزیز ساڵح عەبدوڵا لە ساڵی ١٩٦٥ لە پارێزگای هەولێر لە دایکبووە، قوتابی قۆناغی سێیەمی پەیمانگای تەکنەلۆجی حەوێجە بووە، دایکی یەحیا عەزیز ناوی خەجیجە شەریف و براکانی ناویان زاهیر، تاهیر و لوقمان و خوشکەکانی ناویان خالیدە و ماجیدەیە.
خەباتنامە
یەحیا عەزیز کادیری یەکێتی قوتابیانی کوردستان بووە، لە سێیەم ساڵی خوێندنی لە حەوێجە لە ساڵی ١٩٨٩ بەهۆی چالاکییەک ئاشکرا دەبن و خۆی و دوو هەڤاڵی تری دەگەڕێنەوە شاری هەولێر و دەستبەرداری خوێندن دەبن، لە ساڵی ١٩٩٠ پەیوەندی بە ڕێکخستنە نهێنیەکانی لقی دووی پارتی دیموکراتی کوردستان دەکەن.
لە ڕۆژی ١١ی ئاداری ١٩٩١ یەحیا عەزیز لە ئازادکردنی شاری هەولێر چەک هەڵدەگرێت و بەشداری ڕاپەڕینە جەماوەرییەکەی خەڵکی شاری هەولێری کردووە، لە گرتنەوەی بنکەی پۆلیسی گەڕەکی ئازادی لەسەر دیوارەوە هەوڵی چوونە ژوورەوەی داوە و هەر کە گەیشتۆتە ژوورەوە کەوتۆتە بۆسەی پۆلیسەکانی ئەو بنکەیە و چەند فیشەکێکی بەرکەوتووە و شەهید بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
