ئەمین محەمەد مەحمود ئەحمەد

ئەمین محەمەد ناسراوبە (مینە ڕەش)، ساڵی ١٩١٢ لە پارێزگای سلێمانی لە دایکبووە، ساڵی ١٩٦٢ پەیوەندی بە هێزى پێشمەرگەى شۆڕشی ئەیلوول کردووە، ساڵى ١٩٧٤ پلەی سەرلقی پێنجی سەربە بەتالیۆنی ٣ی سورداش لە هێزی ڕزگاری وەرگرتووە. لە ٦ی کانونی دووەمی ١٩٨٨ شەهید بووە.


شەهید ئەمین محەمەد ناسراوبە (مینە ڕەش)، ساڵی ١٩١٢ لە گوندی جاسەنەی سەربە ناحیەی سورداشی قەزای دووکانی پارێزگای سلێمانی لە دایکبووە، گوندنشین و سەرقاڵی کاری جوتیاری و ئاژەڵداری بووە، تا قۆناغى سەرەتایی خوێندووە، خێزاندار و دوو خێزان و چوار کوڕ و سێ کچی هەبووە، ساڵی ١٩٧٥ دواى نسکۆى شۆڕشی ئەیلوول ئاوارەی وڵاتی ئێران بووە و لە گوندی دوو ئاوانی سەربە شاری نەوسوی (نەوسوود) ئێران نیشتەجێ بووە و لە ساڵی ١٩٧٦ گەڕاوەتەوە گوندی جاسەنەى باشوورى کوردستان. 

ساڵی ١٩٦٢ پەیوەندی بە هێزى پێشمەرگەى شۆڕشی ئەیلوول کردووە و لە لقی دوو بە فەرماندەیی شێخ عەبدولخالقی شەدەڵە، سەر بە بەتالیۆنی ٣ی سورداش بە فەرماندەیی فاتح حەمەڕەش، سەربە هێزی ڕزگاری پارتی دیموکراتی کوردستان بۆتە پێشمەرگە. لە شۆڕشی ئەیلوولدا بەشداری شەڕی چیای سەفین، شەڕی هیران و نازەنین، شەڕی دۆڵی سماقوڵی، شەڕی دەربەندیخان، شەڕی کلکەسماق، شەڕی چیای قەرەداغ، شەڕی چیای زمناکۆ، شەڕی بازیان و شەڕی چیای زۆزک کردووە. 

لە ژیانی پێشمەرگایەتیدا دووجار بریندار بووە، ساڵی ١٩٦٢ لە بناری چیای سەفین لە شەڕی سماقوڵی بە فیشەک بریندار بووە، هەروەها ساڵی ١٩٧٤ لە شەڕی چیای زمناکۆ بە بۆمبارانی فڕۆکەی سوپای عێراق بە سەختی بریندار بووە. ساڵی ١٩٧٤ دواى پێشێلکردنى بەندەکانى ڕێککەوتنامەى ١١ى ئادارى ساڵى ١٩٧٠ لەلایەن حکومەتى عێراق و دەسپێکردنەوەى شەڕ، پلەی سەرلقی پێنجی سەربە بەتالیۆنی ٣ی سورداش بە فەرماندەیی ئەنوەر ئەزوەر لە هێزی ڕزگاری وەرگرتووە. 

مینە ڕەش دوای برینداربوون و ئاوارەبوونی، ساڵی ١٩٧٦ گەڕاوەتەوە گوندی جاسەنە و لە شۆڕشی گوڵان بەهۆی برینەکانى پەککەوتەبووە و توانای چوونە چیای نامێنێت، لە ڕێگەی ڕێکخستن دڕێژەی بە خەباتی پارتایەتی خۆی داوە. 

ساڵی ١٩٨٠ بۆتە ئەندامی ڕێکخراوی سێ کانیانی لێژنەی ناوچەی سلێمانی سەربە لقی چواری پارتی دیموکراتی کوردستان، کە لەوکاتەدا حاجی مەحمود گەورەدێی بەرپرسی ڕێکخراوی بووە. ساڵی ١٩٨٤ مینە ڕەش بۆتە کادری ڕێکخراو و بەرپرسیاریەتی شانە نهێنیەکانی دەڤەری دووکان و پیرەمەگرونی وەرگرتووە. 

لە ٦ی کانونی دووەمی ١٩٨٨ مەفرەزەیەکی جاش و سەربازی ڕژێمی بەعس چوار دەوری ماڵیان داوە لە گوندی جاسەنە و خۆی ڕادەست نەکردووە و ڕووبەڕوویان بۆتەوە، دوای ماوەیەکی زۆری بەرگریکردن لە ئەنجامدا مینە ڕەش کەوتۆتە دەست سەربازەکان و دەستگیرکراوە، دواتر لەلایەن جاش و سەربازەکانەوە هەر لەناو گوندی جاسەنە مینە ڕەشیان گولە باران کردووە و شەهید بووە. 


سەرچاوە:

١- ئەرشیفی دەستەى ئینسکلۆپیدیاى پارتى دیموکراتى کوردستان


بابەتی پەیوەندیدار

یوسف حەمەد رەزاق

یوسف حەمەد رەزاق، سالی ١٩٦١ پەیوەندی بە پارتی دیموکراتی کوردستانەوە دەکات و بۆتە پێشمەرگە، لە ساڵی ١٩٦٥ لە نزیک گوندی سیتکان لەکاتی شەڕ لە دژی بەکرێگیراوانی رژێمی عێراق بریندار دەستگیر دەکرێت، دواتر دەبردرێت بۆ لیوای سەربازی سوپای عێراق کە لە باڵەکیان بووە و لەوێ گوولەباران دەکرێت و شەهید دەبێت.

زانیاری زیاتر

حەسەن وەسمان حەسەن

حەسەن وەسمان حەسەن، سالی ١٩٦٩ پەیوەندی بە ڕیزەکانی پارتی دیموکراتی کوردستانەوە دەکات و بۆتە پێشمەرگە، لە ساڵی ١٩٧٤ لە گوندی دەرگەڵە بەهۆی تۆپبارانی رژێمی عێراق شەهید دەکرێت.

زانیاری زیاتر

ئازاد حەمەعەلی حەمە شل

ئازاد حەمەعەلی، ساڵی ١٩٦٨ لە پارێزگاى سلێمانى لە دایکبووە، ساڵی ١٩٨٥ پەیوەندی بە هێزى پێشمەرگەى شۆڕشی گوڵان کردووە، لە شۆڕشی گوڵاندا بەشداری شەڕی خۆرنەوازان، شەڕی ئەحمەد ئاوا، شەڕی بنکەی پۆلیسی خورماڵ، شەڕە پارتیزانیەکانی دەشتی شارەزوور و شەڕی سەربازگەی بانی شار کردووە. لە ١٠ی ئایاری ١٩٨٧ شەهید بووە.

زانیاری زیاتر

عومەر ڕەحیم ئەحمەد ئەبابەکر

عومەر ڕەحیم ئەحمەد، ساڵی ١٩٤٥ لە پارێزگاى هەولێر لە دایکبووە، ساڵی ١٩٧٠ پەیوەندى بە هێزى پێشمەرگەى شۆڕشی ئەیلوول کردووە، ساڵی ١٩٧٤ بەشداری داستانی بێستانە، شەڕی دەشتی کۆیە، شەڕی چیای سەفین و داستانی کێلە شین کردووە. ساڵى ١٩٧٤ شەهید بووە.

زانیاری زیاتر

کاوە عەبدوڵا شاکر سەمین

کاوە عەبدوڵا شاکر، ساڵی ١٩٦٣ لە پارێزگای هەولێر لە دایکبووە، ساڵی ١٩٨٠ پەیوەندى بەڕێکخستنە نهێنییەکانى پارتى دیموکراتى کوردستان کردووە، ساڵی ١٩٨٤ لە هێزی کۆیەى سەر بە بەشی سەربازی لێژنەی ناوچەی کۆیەی لقی دووی پارتی دیموکراتی کوردستان بۆتە پێشمەرگە، لە مانگی ئاداری ١٩٨٥ شەهید بووە.

زانیاری زیاتر