ئەمین حسێن محەمەد مەحمود، ساڵی ١٩٥٧ لە گوندی باوە کۆچەکی سەربە پارێزگای هەڵەبجە لە دایکبووە، گوندنشین بووە و سەرقاڵی کاری جوتیاری بووە، تا قۆناغى سەرەتایی خوێندووە.
لە مانگى کانوونى یەکەمى ١٩٧٦ پەیوەندى بە هێزى پێشمەرگەى شۆڕشی گوڵان کردووە و لە هێزى هەورامان بە فەرماندەیی نادر هەورامى لەچەند چالاکییەکى پێشمەرگە بەشدارى کردووە، ساڵى ١٩٧٨ لە کاتى ئەنجامدانى چالاکییەک لە شارى هەڵەبجە بە سەختى بریندار بووە.
ساڵى ١٩٧٨ لەگەڵ دوو هاوسەنگەرى کە یەکێکیان براى خۆى بووە، بۆ ئەنجامدانى چالاکییەکى پارتیزانى دەچنە دەشتى شارەزوور، دواى ئەنجامدانى چالاکییەکە کەوتوونەتە بۆسەى بەکرێگیراو(جاش)ی حکومەتى عێراق و پاش ڕووبەڕووبوونەوە لەگەڵیان دەستگیر دەکرێن و دەگوازرێنەوە بۆ گرتووخانەى شارى موسڵ، پاش ساڵێک لە زیندانیکردنییان ساڵى ١٩٧٩ لە سێدارە دراون.
سەرچاوە:
ئەرشیفی دەستەی ئینسکلۆپیدیای پارتی دیموکراتی کوردستان.
