ژیاننامە
مەحمود ئەحمەد ئەمین وەیس، لە ساڵی ١٩٣٢ لە گوندی سەرشاتەی دەڤەری تاگۆزی لە ڕۆژهەڵاتی کوردستان لە دایکبووە، بەهۆی کاری ئاژەڵدارییەوە ڕووی لە هەرێمی کوردستان کردووە و لە گوندی کانی سپی لە دەڤەری شارەزوور نیشتەجێ بووە، خێزانی مەحمود ئەحمەد ناوی مەحسومە محەمەد و کوڕەکەی ناوی ئەحمەدە و کچەکەی ناوی مەحبوبە یە.
خەباتنامە
لە بەرواری ٢ی ئاداری ١٩٦٣ بووە پێشمەرگە لە پەلی سێی بەتالیۆنی پێنجی زمناکۆی سەربە هێزی شەمێران بە فەرماندەیی حەمە شەمێرانی، کە لەوکاتەدا هێزی شەمێران هێزێکی سەربەخۆ بووە و فەرمانی لە سەرکردایەتی شۆڕشەوە وەرگرتووە، هەروەها سنووری چاڵاکی ئەم هێزە لە دەڤەڕی شەمێران و دەڤەری نەوڕۆڵی بووە زیاتر. بەڵام دوای دروست کردنی پێکهاتەی سەربازی شۆڕشی ئەیلوول لە ساڵی ١٩٦٥ ئەم هێزە هەر وەک هێزێکی سەربەخۆ مایەوە و خرایە سەر هێزی خەباتی پارتی دیموکراتی کوردستان.
لە ساڵی ١٩٦٣ دوای گەڕانەوەیان لە شەڕی دەربەندیخان، لە نزیک ناحیەی سیروان فڕۆکەی ڕژێم بۆردوومانی کردوون و مەحمود ئەحمەد لەگەڵ هاوسەنگەرێکی شەهید بوونە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
