محەمەد حەمەساڵح غەفور مەحمود

محەمەد حەمەساڵح غەفور مەحمود، پێشمەرگەی شۆڕشی ئەیلوول و شۆڕشی گوڵان و ڕاپەڕین بووە، لە ساڵی ١٩٩١ شەهید بووە.


ژیاننامە

محەمەد حەمەساڵح غەفور مەحمود، لە ساڵی ١٩٥٢ لە گوندی لاوەرانی دەڤەری نەوڕۆڵی سەر بە پارێزگای هەڵەبجە لە دایکبووە، ئاستی خوێندەواری سەرەتایی بووە، گوندنشین بووە و سەرقاڵی کاری جوتیاری بووە، لە نسکۆی ساڵی ١٩٧٥ ئاوارەی وڵاتی ئێران بووە و لە نشینگەی دزڵی نیشتەجێ بووە، خێزانی محەمەد حەمەساڵح ناوی شەوکەت عەزیز و کوڕەکانی ناویان ئازاد، ئارام، ئامانج و کچەکانی ناویان درەخشان و دولستانە.


خەباتنامە

محەمەد حەمەساڵح لە ساڵی ١٩٧٤ بووە پێشمەرگە لە لقی چوار بە فەرماندەیی شێخ مەحمود سەیدگوڵ سەر بە بەتالیۆنی هەشتی چوارتا بە فەرماندەیی عوسمان سندی سەر بە هێزی خەباتی پارتی دیموکراتی کوردستان، ساڵی ١٩٧٥ ئاوارەی وڵاتی ئێران بووە، لە ساڵی ١٩٨٠ بوویەوە پێشمەرگە لە ‌هێزی هەورامان و لە سەنگەرەکانی سەر سنوور و چیای سورێن ئەرکی وەرگرتووە.

محەمەد حەمەساڵح بەشداری لە شەڕی دەربەندیخان لە ڕووبەڕووبوونەوەی شوعیەکان ساڵی ١٩٧٤، شەڕی دەشتی شارەزوور لە ساڵەکانی (١٩٨٣_١٩٨٤)، شەڕی ئەحمەدئاوا لە ساڵی ١٩٨٦، شەڕی چیای سورێن لە ساڵی ١٩٨٦، گرتنەوەی شارەکانی هەرێمی کوردستان لە ساڵی ١٩٩١ کردووە، لە ساڵی ١٩٩١ لە ڕاپەڕینە جەماوەرییەکەی خەڵکی کوردستان و لە گرتنەوەی شاری کەرکووک شەهید بووە.


سەرچاوە:

ئەرشیفی دەستەی ئینسکلۆپیدیای پارتی پارتی دیموکراتی کوردستان.


بابەتی پەیوەندیدار

عەبدوڵا ئاغاى گۆرۆنى

عەبدوڵڵا حەمەد مەلا ئەحمەد، ناسراو بە عەبدوڵا ئاغاى گۆرۆنى، ساڵى ١٩٠٥ لە گوندى گۆرۆنى سەر بە قەزاى چۆمانى پارێزگاى هەولێر لەدایک بووە، ڕیش سپى گوندى گۆرۆنى بووە، ساڵى ١٩٤١ لە تەمەنى لاوێتیدا پەیوەندی بە ڕیزەکانی ڕێکخستنی حیزبی هیوا دەکات...

زانیاری زیاتر

سەبری حەسەن سەبری

سەبری حەسەن سەبری لە ساڵی ١٩٩١پەیوەندی دەکات بەپارتی دیموکراتی کوردستان، لە ساڵی ١٩٩٧ لەشەڕی بەرگری لەسەروەری یاسا لە چیای دڕەبی بەگولەی چەکدارانی پەکەکە شەهید کراوە.

زانیاری زیاتر

خۆشەوی ئەسعەد میر ئەحمەد

خۆشەوی ئەسعەد میر ئەحمەد لە ساڵی ١٩٩١ پەیوەندی دەکات بەپارتی دیموکراتی کوردستان، لە ساڵی ١٩٩٧ لەشەڕی بەرگری لەسەروەری یاسا لە چیای دڕەبی بەگولەی چەکدارانی پەکەکە شەهید کراوە.

زانیاری زیاتر

جەوهەر خدر قادر

جەوهەر خدر قادر لە ساڵی ١٩٩١پەیوەندی دەکات بەپارتی دیموکراتی کوردستان و بۆتە پێشمەرگە، لە ساڵی ١٩٩٧ لەشەڕی بەرگری لەسەروەری یاسا لە چیای دڕەبی بەگولەی چەکدارانی پەکەکە شەهید کراوە.

زانیاری زیاتر

ئەبوبەکر عومەر سێوک لێلکانى

ئەبوبەکر عومەر سێوک لێلکانى، ساڵى ١٩٥٣ لە گوندى لێلکان سەر بە ناحیەى سیدەکان پارێزگاى هەولێر لەدایک بووە، تا قۆناغى سەرەتایی خوێندووە، ساڵى ١٩٨٨ ئاوارەى وڵاتى ئێران دەبێت و لە ئۆردوگاى بارزان ئابادی شارى شنۆ نیشتەجێ دەبێت، ژیانى هاوسەرگیرى پێک هێنابوو و خاوەنى سێ کوڕ و سێ کچە، ساڵى ١٩٩١ دواى ڕاپەڕینى جەماوەرى باشوورى کوردستان دەگەڕێتەوە کوردستان.

زانیاری زیاتر