ژیاننامە
عەلی غەفور عەبدولمەجید فەتاح ناسراوە بە عەلی غەفور زمناکۆی، لە ساڵی ١٩٤٨ لە گوندی زمناکۆی سەربە ناحیەی سیروانی پارێزگای هەڵەبجە لە دایکبووە، گوندنشین بووە و سەرقاڵی کاری جوتیاری بووە، تا قۆناغی سهرهتایی خوێندوویهتی، خیزاندار بووه.
خەباتنامە
عەلی غەفور زمناکۆی لە ساڵی ١٩٦١ بووە پێشمەرگە لە هێزی شەمێران بە فەرماندەیی حەمە شەمێرانی، کە لەوکاتەدا هێزی شەمێران هێزێکی سەربەخۆ بووە و فەرمانی لە سەرکردایەتی شۆڕشەوە وەرگرتووە، هەروەها سنووری چالاکی ئەم هێزە لە دەڤەری شەمێران و دەڤەری نەوڕۆڵی بووە زیاتر. بەڵام دوای دروست کردنی پێکهاتەی سەربازی شۆڕشی ئەیلوول لە ساڵی ١٩٦٥ ئەم هێزە هەر وەک هێزێکی سەربەخۆ مایەوە و خرایە سەر هێزی خەباتی پارتی دیموکراتی کوردستان.
عەلی غەفور زمناکۆی بەشداری شەڕەکانی دەڤەری نەوڕۆڵی و دەشتی شارەزوور و دەڤەری شەمێران و قەزای دەربەندیخانی کردووە، لە ساڵی ١٩٦٥ دەگوازرێتەوە بۆ بەتالیۆنی شەشی بەمۆ بە فەرماندەیی فازڵ تاڵەبانی، لە هەمانکاتدا پلەی سەرلقی لقی بەمۆی بەتالیۆنی شەشی وەرگرتووە.
لە ساڵی ١٩٦٥ لە گوندی باقوبەرە لەگەڵ پۆلێک هاوسەنگەری هێرشیان کردۆتە سەر ڕەبایەکی سەربازی ڕژێم و عەلی غەفور زمناکۆی بە سەختی بریندار دەبێت و دوو هاوسەنگەری بە ناوەکانی عوسمان عەلی نادر و شەمسوڵا شەهید دەبن، هاوسەنگەرانی هەوڵی گواستنەوەی عەلی غەفور زمناکۆی بە برینداری دەدەن بۆ گوندی سەرتەک، بەڵام لە ملەی تاڵگ لە نزیک سەرتەک بەهۆی سەختی برینەکەیەوە شەهید دەبێت و هاوسەنگەرانی هەر لە ملەی تاڵگ بە خاکیان سپاردووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
