ژیاننامە
عەبدوڵا کاکەڵا عەبدوڵا ڕەحمان، لە ساڵی ١٩١٧ لە گوندی قەشکەی سەر بە ناحیەی قوشتەپەی پارێزگای هەولێر لە دایکبووە، گوندنشین بووە و سەرقاڵی کاری جوتیاری بووە، خاوەنی دوو خێزان بووە بە ناوەکانی ئامینە تەها و عەیشە ساڵح، کوڕەکەی ناوی محەمەد و كچەکانی ناویان زارا، عایشە و فاتیمە یە.
خەباتنامە
عەبدوڵا کاکەڵا عەبدوڵا ڕەحمان لە ساڵی ١٩٦٦ بووە پێشمەرگە لە لقی تۆپخانەی هێزی دەشتی هەولێری پارتی دیموکراتی کوردستان کە لەو کاتەدا سمکۆ عەلی سەرلقی تۆپخانە بووە، ساڵی ١٩٦٨ دەستەیەک پێشمەرگە بۆ پشکنین گەڕانێکی مەیدانی چەند ڕۆژەیان بە چواردەوری گوندەکانی ناحیەی تەق تەق و قوشتەپە کردووە، لە بەرەبەیانی ڕۆژی ٩ی ئایاری ١٩٦٨ لە نزیک گوندی چەمەر زەردەی سەربە ناحیەی قوشتەپە فرۆکەی ڕژێم بۆردوومانی کردوون و عەبدوڵا کاکەڵا شەهید بووە و هاوسەنگەرانی لە گۆڕستانی گوندی چەمەر زەردە بە خاکیان سپاردووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
