ژیاننامە
عەبدولڕەحیم عەبدولحەمید فەتاح فەتاح ناسراوە بە حاجی عەبدولڕەحیم زمناکۆی لە ساڵی ١٩٢٣ لە گوندی زمناکۆی سەربە ناحیەی سیروانی پارێزگای هەڵەبجە لە دایکبووە، گوندنشین بووە و سەرقاڵی کاری ئاژەڵداری بووە، خێزانی ناوی سورەیا عەلی و کوڕەکانی ناویان حەسەن, حسێن و محەمەد و کچەکانی ناویان ئەختەر و خانمە.
خەباتنامە
عەبدولڕەحیم عەبدولحەمید فەتاح فەتاح لە ساڵی ١٩٦٣ بووە پێشمەرگە لە پەلی عەلی شەریف سەر بە لقی سێ بە فەرماندەیی جەلال لاوەرانی سەربە بەتالیۆنی پێنجی زمناکۆی هێزی خەباتی پارتی دیموکراتی کوردستانی، بەشداری شەڕی زمناکۆ و شەڕی حاجی ئۆمەران و شەڕی دەربەندیخان کردووە، لە بەرواری ٥ی تەممووزی ١٩٦٣ دوای تەواوبوونی شەڕی دەربەندیخان، حاجی عەبدولڕەحیم زمناکۆی و چەند هاوسەنگەرێکی بەناوەکانی ئەحمەد عوسمان، حەمەمین مەحمود، مامۆل عەزیز و محەمەد عارف دوو پێشمەرگەی بریندار بەناوی عەلی شامەر و فەتاح مەحەمەد دەگوازنەوە بۆ چارەسەرکردن، لە نزیک گوندی زمناکۆ لە ملەی تاڵگ فرۆکەی ڕژێم بۆمبارانیان دەکات و جگە لە محەمەد عارف هەموویان شەهید دەبن و تەرمییان لە ملەی تاڵگ بە خاک دەسپێرێت
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
