ژیاننامە
سەرحەد حەسەن عەبدولڕەحیم عەبدولجەبار لە ساڵی ١٩٦١ لە گوندی وارماوەی سەربە قەزای شارەزوور لە دایکبووە، گوندنشین بووە و سەرقاڵی کاری ئاژەڵداری بووە، ئاستی خوێندەواری سەرەتایی بووە، دایکی سەرحەد حەسەن ناوی شەوکەت عەبدولقادر و خوشکەکانی مەلیعە، فەریدە، تەلیعە و کافیە یە.
خەباتنامە
سەرحەد حەسەن عەبدولڕەحیم عەبدولجەبار لە ساڵی ١٩٧٤ لە ڕێگەی یاروەسی کاکەوەیسەوە بووە پێشمەرگە لە هێزی زمناکۆ بە فەرماندەیی کەریمی عەبەی خاسە، کە ئەوهێزە لە ساڵی ١٩٧٤ دروست کراوە و سەربە لەشکری سێی پارتی دیموکراتی کوردستان بووە.
ساڵی ١٩٧٤ فڕۆکەی ڕژێمی بەعس سەنگەرەکانی پێشمەرگەی لە چیای زمناکۆ بۆردوومان کردووە و سەرحەد حەسەن شەهید بووە، دوو هاوسەنگەری بە ناوەکانی محەمەد عەبدولقادر و سەعدون سلێمان بەسەختی بریندار بوونە و پەکەوتەی سەنگەر بوونە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
