ژیاننامە
سەباح ئەسعەد عومەر حەمەد. لە ساڵی ١٩٤٢ لە گوندی چل بەسەری سەربە قەزای کۆیە لە دایکبووە، گوندنشین بووە و خهریكی كاری كشتوكاڵ بووه، سەباح سێ مانگ پێش دەستگیر کردنی ژیانی هاوسەری پێکهێناوە و خێزانی ناوی زێرین ئەحمەد بووە، ساڵی ١٩٧٥ شەهید بووە.
خەباتنامە
لە ساڵی ١٩٧٣ چۆتە گوندی بناویە و بووەتە پێشمەرگە لە لقی حاجی مەولود کە سەر بە هێزی دەشتی هەولێری پارتی دیموکراتی کوردستان بووە کە فارس باوە فەرماندەی هێز بووە.
لە ساڵی ١٩٧٤ لە گوندی حاجی وسو لەگەڵ دوو هاوسەنگەری بە ناوەکانی ئەحمەد عەزیز عومەر و حامید مستەفا خزر، دەکەونە بۆسەی سەربازانی ڕژێمی بەعس و دوای ڕووبەڕوو بوونەوە و تەواوبوونی فیشەک دەستگیر کراون، پاش دهسگیركردنیان دەگوازرێنەوە بۆ ئەمنی هەولێر و دواتر دەبرێنە گرتووخانەی شاری موسڵ.
لە ساڵی ١٩٧٥ لە گرتووخانەی شاری موسڵ، سەباح ئەسعەد لەگەڵ هەردوو هاوسەنگەرەکەی ئەحمەد عەزیز و حامید مستەفا لە سێدارە دراون و شەهید بوونە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
