ژیاننامە
سلێمان قادر عەبدولڕەحمان حەمەد لە ساڵی ١٩٥١ لە گوندی کانی کەوەی دەڤەری شەمێرانی سەربە قەزای دەربەندیخان لە دایکبووە، گوندنشین بووە و سەرقاڵی کاری جوتیاری بووە، برایەکی بەناوی محەمەد قادر ناسراوە بە حەمە شەمێرانی لە شۆڕشی ئەیلوول شەهید بووە، دایکی سلێمان قادر ناوی مینا ئەحمەد و براکانی ناویان حەمەمین و عەبدولڕەحمانە.
خەباتنامە
سلێمان قادر عەبدولڕەحمان حەمەد لە ساڵی ١٩٦٣ بووە پێشمەرگە لە هێزی شەمێران بە فەرماندەیی حەمە شەمێرانی کە لەوکاتەدا قوەتی شەمێران قوەتێکی سەربەخۆ بووە و فەرمانی لە سەرکردایەتی شۆڕشەوە وەرگرتووە، هەروەها سنووری چاڵاکی ئەم قوەتە لە دەڤەڕی شەمێران و دەڤەری نەوڕۆڵی بووە زیاتر. بەڵام دوای دروست کردنی پێکهاتەی سەربازی شۆڕشی ئەیلوول لە ساڵی ١٩٦٥ ئەم قوەتە هەر وەک قوەتێکی سەربەخۆ مایەوە و خرایە سەر هێزی خەباتی پارتی دیموکراتی کوردستان.
ساڵی ١٩٦٤ پلەی سەرپەلی لە هێزی شەمێران وەرگرتووە، ساڵی ١٩٦٥ لە شەڕی هەڵەبجەی شەهید فیشەک بەرشانی ڕاستی کەوتووە و بە سەحتی بریندار بووە، بەشداری شەڕی دەربەندیخان و شەڕی هەڵەبجەی شەهید و شەڕی دەرەشیش کردووە، ساڵی ١٩٦٧ لە گوندی دەرەشیش لە نزیک پارێزگای هەڵەبجە لە ڕووبەڕووبوونەوەی جەلالییەکان فیشەکی بەرکەوتووە و شەهید بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
