ژیاننامە
ساڵح تەحسین کەریم مارف، ساڵی ١٩٦٣ لە ناحیەی خورماڵی سەر بە پارێزگای هەڵەبجە لە دایکبووە، دانیشتووی خورماڵ بووە و سەرقاڵی کاری جوتیاری و کەسابەتی ناو بازاڕ بووە. تا قۆناغی سه‌ره‌تایی خوێندووه، ساڵی ١٩٨٥ شەهید بووە.
خەباتنامە
شەهید ساڵح تەحسین، ساڵی ١٩٨٣ بۆتە ئەندام لە شانەی نهێنی ڕێکخراوی خورماڵی سەر بە لێژنە ناوچەی هەڵەبجەی لقی چواری پارتی دیموکراتی کوردستان.
ساڵی ١٩٨٤ بۆتە پێشمەرگە لە مەفرەزەی عومەر غەمگینی سەر بە هێزی سورێنی پارتی دیموکراتی کوردستان، کە لەوکاتەدا مەلا عومەر فەرماندەی هێز بووە.
ساڵی ١٩٨٥ ساڵح تەحسین و چوار هاوسەنگەری بە ناوەکانی عومەر غەمگین، غازی بانیشاری، عومەر باڵابەرز، حسێن بە فەرماندەی عومەر غەمگین، چونەتە ناو خورماڵ بۆ ئەنجامدانی چالاکیەک و کۆبوونەوەیەک لەگەڵ شانەی نهێنی هێزەکەیان لەناو خورماڵ، دوابەدوای تەواوکردنی چالاکییەکە چونەتە مەجموعەی خورماڵ، بەڵام کەوتوونەتە بۆسەی جاشێکی ڕژێمی بەعس و ساڵح تەحسین شەهید بووە و عومەر غەمگین بە سەختی بریندار بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
