ژیاننامە
عومەر قادر نادر خولی ناسراوە بە عومەر باڵابەرز، ساڵی ١٩٦٩ لە گوندی عاموورەی سەر بە ناحیەی خورماڵ لە دایکبووە، دانیشتووی خورماڵ بووە و ئاستی خوێندەواری سەرەتایی بووە، عومەر باڵا بەرز خێزاندار بووە و خێزانی ناوی پەخشان عەلیە و خاوەنی دوو کچ بووە بە ناوەکانی دیمەن و پەیمان، ساڵی ١٩٩١ شەهید بووە.
خەباتنامە
عومەر قادر ناسراو بە عومەر باڵا بەرز، ساڵی ١٩٨١ بۆتە پێشمەرگە لە ڕێکخراوی کەرەجاڵی سەر بە لێژنە ناوچەی هەڵەبجەی لقی چواری پارتی دیموکراتی کوردستان، کە لەوکاتەدا عومەر غەمگین بەرپرسی ڕێکخراو بووە، پلەی فەرماندەی مەفرەزەی سەرەتایی مەفرەزەی دوو بۆ چالاکی دەشتی شارەزوور وەرگرتووە، ساڵی ١٩٨٣ پلەی فەرماندەی کەرتی لە دەشتی شارەزوور سەر بە ناوچەی هەڵەبجە وەرگرتووە، ساڵی ١٩٨٣ لە شەڕی خۆرنەوازانی سەربە قەزای کفری بەهۆی تۆپبارانەوە بریندار بوو، بۆ دووەم جار ساڵی ١٩٨٥ لە کەرەجاڵی دەڤەری هەورامان لە ڕووبەڕووبوونەوەی سەرباز و جاشی ڕژێمی بەعس فیشەک بەر سکی کەوتووە و بەسەختی بریندار بووە.
لە ساڵەکانی ١٩٨٦ و ١٩٨٩ پلەکانی فەرماندەی بەتالیۆن و فەرماندەی هەرێمی دەشتی شارەزووری وەرگرتووە کە سەربە لێژنەی ناوچەی هەڵەبجە و هێزی هەورامانی پارتی دیموکراتی کوردستان بووە، بەشداری شەڕی خۆرنەوازون ساڵی ١٩٨٣، هەردوو شەڕی ئەحمەد ئاوا ساڵی (١٩٨٤_١٩٨٧)، شەڕی کەرەجاڵ ساڵی ١٩٨٥، داستانی خواکوڕک ساڵی ١٩٨٨ و ڕێژەیەکی زۆری چالاکی پارتیزانی لە دەشتی شارەزوور و هەڵەبجە كردووه، ساڵانی (١٩٨١_١٩٩١) بهشداری ئازادکردنی دەڤەری هەورامان، شاری هەڵەبجە، قەزای سەیدسادق، ناحیەی عەربەت، قەزای دەربەندیخان، پارێزگای سلێمانی، ناحیەی تەکیە و چەمچەماڵی كردووه، ساڵی ١٩٩١ بهشداری ڕاپهڕین و ئازادكردنی شاری کەرکووک و دهوروبهری کردووە.
عومەر باڵا بەرز لە ساڵی ١٩٩١ لە ڕاپەڕینە جەماوەرییەکەی خەڵکی کوردستان لە ئازادکردنی شاری کەرکووک فیشەکی بەرکەوتووە و شەهید بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
