ساڵح رەشید ڕەحمان عەلی

ساڵح ڕەشید ڕەحمان عەلی، پێشمەرگەی شۆڕشی ئەیلوول بووە، پلەی سەر دەستەی وەرگرتووە، ساڵی ١٩٦٧ لە نزیک پارێزگای هەڵەبجە شەهید بووە.


ژیاننامە

سالح ڕەشید ڕەحمان عەلی، لە ساڵی ١٩٤٢ لە گوندی دۆڵی ناوحەوت لە دەڤەری شەمێرانی سەربە قەزای دەربەندیخان لە دایکبووە، گوندنشین بووە و سەرقاڵی کاری جوتیاری بووە، برایەکی بەناوی حەمەسەعید ڕەشید لە ساڵی ١٩٦٥ کەوتووتە بۆسەی سەربازی ڕژێم و بێ سەروشوێنە، دایکی حەمەسەعید ناوی مینا کاکەخان و براکانی ناویان محەمەد و ئەحمەد و خوشکەکانی ناویان ئامین، سەعات، فاتیمە و جەمیلە یە.


خەباتنامە

سالح ڕەشید ڕەحمان عەلی لە ساڵی ١٩٦٢ بووە پێشمەرگە لە هێزی شەمێران بە فەرماندەیی حەمە شەمێرانی، کە لەوکاتەدا قوەتی شەمێران قوەتێکی سەربەخۆ بووە و فەرمانی لە سەرکردایەتی شۆڕشەوە وەرگرتووە، هەروەها سنووری چاڵاکی ئەم قوەتە لە دەڤەڕی شەمێران و دەڤەری نەوڕۆڵی بووە زیاتر. بەڵام دوای دروست کردنی پێکهاتەی سەربازی شۆڕشی ئەیلوول لە ساڵی ١٩٦٥ ئەم قوەتە هەر وەک قوەتێکی سەربەخۆ مایەوە و خرایە سەر هێزی خەباتی پارتی دیموکراتی کوردستان.

سالح ڕەشید بەشداری شەڕی سەرتیز لە دەڤەری بارزان، شەڕەکانی چیای زمناکۆ، شەڕی دەشتی گەرمیان و خانەقین و شەڕی هەڵەبجە کردووە، لە ساڵی ١٩٦٦ لە شەڕی دەشتی گەرمیان بە سەختی بریندار بووە، ساڵی ١٩٦٦ دوای گەڕانەوە و وەرگرتنی چارەسەری پلەی سەردەستەی وەرگرتووە، ساڵی ١٩٦٧ لە گوندی پریسی سەربە پارێزگای هەڵەبجە لە ڕووبەڕووبوونەوەی جاش و سەربازی ڕژێم شەهید بووە.


سەرچاوە:

ئەرشیفی دەستەی ئینسکلۆپیدیای پارتی پارتی دیموکراتی کوردستان.

 


بابەتی پەیوەندیدار

عومەر عەزیز محەمەد وەسمان

عومەر عەزیز محەمەد وەسمان، ساڵی ١٩٤٢ لە گوندی ناوەندی سەربە قەزای چۆمان پارێزگاى هەولێر لە دایکبووە، ساڵی ١٩٨١ پەیوەندى بەهێزى پێشمەرگەى شۆڕشی گوڵان، ساڵى ١٩٨٨ بە هۆى تۆپبارانى ڕژێمى بەعس بۆ سەر سەنگەرەکانى پێشمەرگە لە گوندى وەرتێی قەزاى ڕواندز شەهید بووە.

زانیاری زیاتر

عوسمان حەسەن مستەفا فاخیر

شەهید عوسمان حەسەن مستەفا، ساڵی ١٩٥٠ لە گوندی ئاریانەی سەربە ناحیەی شۆڕشی قەزای کۆیەی پارێزگاى هەولێر لە دایکبووە، ساڵى ١٩٦٩ پەیوەندی بەهێزى پێشمەرگەى شۆڕشی ئەیلوول کردووە، ساڵی ١٩٧٤ بەهۆی بۆمبارانى سەنگەرەکانى پێشمەرگە لەلایەن فڕۆکەى سوپاى عێراق لە گوندى بندایزان شەهید بووە.

زانیاری زیاتر

حەمەد ئیبراهیم عەوڵا

حەمەد ئیبراهیم عەوڵا لە ساڵی ١٩٥٥ لە گوندى وەسمانى قەزاى چۆمان لەدایک بووە، ساڵی ١٩٧٤ پەیوەندى بەهێزى پێشمەرگەی شۆڕشی ئەیلوول کردووە، لە مانگی ئاداری ١٩٧٥ بە هۆى تۆپبارانى ڕژێمى عێراق بۆسەر هێزى پێشمەرگە شەهید بووە.

زانیاری زیاتر

حاجی ساڵح حاجی سونێ

حاجی ساڵح حاجی سونێ، ساڵی ١٩٣٤ لە گوندی شاوەیسی سەربە پارێزگای هەولیر لە دایکبووە، ساڵی ١٩٦٥ پەیوەندى بەهێزى پێشمەرگەى شۆڕشى ئەیلوول کردووە و لە هێزى سەفین بۆتە پێشمەرگە، ساڵی ١٩٧٤ لە سەنگەری بەرگری هێزی پێشمەرگە لە چیای سەفین شەهید بووە.

زانیاری زیاتر

محەمەد عەوڵا حەمەد عەبدی

محەمەد عەوڵا لە ساڵی ١٩٤٢ لە گوندی سیقوجانی سەربە ناحیەی دیبەگەی دەڤەری کەندێناوەی قەزای مەخمور لە دایکبووە. ساڵی ١٩٦٨ پەیوەندى بە هێزى پێشمەرگەى شۆڕشی ئەیلوول کردووە. لە کۆتاییەکانی مانگی ٧ی ١٩٧٤ دواى دەسگیرکردنی سزای لە سێدارەدانی سەربازی بۆ دەرچووە و لە سێدارە دراوە و شەهید بووە.

زانیاری زیاتر