ژیاننامە
رەزاق عەلی رەزا عومەر لە ساڵی ١٩٦٦ لە گوندی ئاشۆکانی سەر بە دەڤەری بەڕانەتی پارێزگای هەولێر لە دایکبووە، گوندنشین بووە، لە دوای نسکۆی شۆڕشی ئەیلوول تەواوی بنەماڵەکەی ئاوارەی وڵاتی ئێران بوونە و تا ساڵی ١٩٩١ دەرفەتی گەڕانەوەیان نەبووە و لە شاری نەغەدە نیشتەجێ کراون، شەهید ڕەزاق عەلی خاوەنی پێنج برای شەهیدە بەناوەکانی شەهید ئەکرەم عەلی ڕەزا لە ساڵی ١٩٧٤، شەهید ئەسکەندەر عەلی ڕەزا لە ساڵی ١٩٨٣، شەهید فەرهاد عەلی ڕەزا لە ساڵی ١٩٨٣، شەهید تەلعەت عەلی ڕەزا لە ساڵی ١٩٨٨، شەهید فەتاح عەلی ڕەزا لە ساڵی ١٩٨٨ ڕەزاق عەلی خێزاندار بووە و خێزانی ناوی سامیە نادر بووە و خاوەنی یەک کوڕ بووە بەناوی ڕزگار ڕەزاق.
خەباتنامە
شەهید ڕەزاق عەلی لە ساڵی ١٩٨١ بۆتە پێشمەرگە لە مەفرەزەی پارتیزانی لقی دووی پارتی دیموکراتی کوردستان، کە لەوکاتەدا شەهید فەرهاد عەلی برای فەرماندەی مەفرەزەکە بووە.
لە ڕێکەوتی ١٦ی ئایاری ١٩٨٨ شەهید ڕەزاق عەلی و شەش هاوسەنگەری بەناوەکانی شەهید فەتاح عەلی ڕەزا، شەهید تەلعەت عەلی ڕەزا، شەهید محەمەد ڕەن، شەهید خەلیل دەچنە سەر ڕێگەی کاروانێکی سەربازی ڕژێمی بەعس کە بۆ ئەنفالکردنی چەند گوندێک ڕوویان لەو دەڤەرە کردووە، دوا بە دوای یەک کاتژمێر لە ڕووبەڕووبوونەوەی هێزەکەی بەعس و ڕێگری لێیان، لە ئەنجامدا هەر حەوت پێشمەرگەکە بێ سەروشوێن بوونە و هیچ سۆراغێکیان نیە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
