شەهید خاناودەل حسێن حەمەد، لەساڵی ١٩٣٥ لە شارۆچکەی سیدەکان سەر بە پارێزگای هەولێر لەدایک بووە، گوندنشین بووە و سەرقاڵی کاری جوتیاری بووە، خوێندەوار بووە، ژیانی هاوسەرێتی پێک هێنابوو.
ساڵی ١٩٦١ لە ڕێگەی مامۆستا حەمید ئەفەندی براییەوە پەیوەندی بە ڕێکخستنەکانی پارتی دیموکراتی کوردستان دەکات و کەسێکی چالاک بووە، چەندین جار لەلایەن دەزگا ئەمنییەکانی ڕژێمی عێراق دەستگیر دەکرێت و ڕەوانەی کەرکووک و بەغدا دەکرێت، بەڵام دوای ئازادبوونی بەردەوام دەبێت لە کاری ڕێکخستنی نهێنی پارتایەتی، لە ١٩ی ئەیلوولی١٩٨٢ ڕژێمی بەعس قەدەغەی هاتوچۆ لە شارۆچکەی سیدەکان سەر بە پارێزگاى هەولێر ڕادەگەیەنێت، هەمان شەو لەلایەن چەکدارانی ڕژێمی عێراقەوە دەدرێتە بەر گولە و دەستبەجێ شەهید دەبێت.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
