ژیاننامە
حەمەئەمین مەحمود محەمەد ڕۆبیتەن، ساڵی ١٩٤٧ لە گوندی بەشی پیرگی دەڤەری شەمێرانی سەربە قەزای دەربەندیخان لە دایکبووە، گوندنشین بووە و سەرقاڵی کاری ئاژەڵداری بووە، حەمەئەمین مەحمود خێزاندار بووە و خێزانی ناوی ئەسمەر بووە و خاوەنی یەک کوڕ و دوو كچ بووە بەناوەکانی قادر، شیرین و گەلاوێژ. حەمەئەمین مەحمود محەمەد ساڵی ١٩٦٣ شەهید بووە.
خەباتنامە
شەهید حەمەئەمین مەحمود، ساڵی ١٩٦٢ بۆتە پێشمەرگە لە هێزی شەمێران، کە لەوکاتەدا هێزی شەمێران هێزێکی سەربەخۆ بووە و شەهید حەمە شەمێرانی فەرماندەی بووە و فەرمانی لە سەرکردایەتی شۆڕشەوە وەرگرتووە، هەروەها سنووری چالاکی ئەم هێزە لە دەڤەری شەمێران و دەڤەری نەوڕۆڵی بووە زیاتر. بەڵام دوای دروست کردنی پێکهاتەی سەربازی شۆڕشی ئەیلوول، ساڵی ١٩٦٥ ئەم هێزە هەر وەک هێزێکی سەربەخۆ مایەوە و خرایە سەر هێزی خەباتی پارتی دیموکراتی کوردستان.
لە ١٦ی تەممووزی ١٩٦٣ لە شەڕی چیای زمناکۆ، لە ڕووبەرووبوونەوەی هێرشی سەربازی ئەوکاتی عێراق بۆسەر سەنگەرەکانی پێشمەرگە لە چیای زمناکۆ و لە دوای شکستی هێرشەکەیان، تۆپخانەکانی ڕژێم بە چڕی تۆپبارانی سەنگەرەکانی هێزی پێشمەرگەیان کردووە، تۆپێک بەر سەنگەری حەمەئەمین مەحمود و حاجی ڕەحیمی زمناکۆی کەوتووە و لە ئەنجامدا هەردووکیان لە نێو سەنگەرەکەدا شەهید بوونە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
