ژیاننامە
حەمەئەمین حەمەساڵح مەحمود قادر، لە ساڵی ١٩٤٧ لە گوندی بێسەڵمێنی سەربە قەزای شارەزوور لە دایکبووە، گوندنشین بووە و سەرقاڵی کاری جوتیاری بووە، لە نسکۆی ساڵی ١٩٧٤ ئاوارەی وڵاتی ئێران بووە و لە گوندی سەوڵاوەی سەربە پارێزگای سنەی وڵاتی ئێران نیشتەجێ بووە، خێزانی ناوی ئافتاو محەمەد و کوڕەکەی ناوی باقی و کچەکانی ناویان ئەڵوەن و خانمە.
خەباتنامە
حەمەئەمین حەمەساڵح مەحمود قادر لە ساڵی ١٩٦٩ بووە پێشمەرگە لە پەلی ئەوڕەحمان هێلکە سەربە لقی سێ بە فەرماندەیی نادر هەورامی سەربە بەتالیۆنی حەوتی بیارە بە فەرماندەیی جەمال نامیق سەربە هێزی خەباتی پارتی دیموکراتی کوردستان، لە نسکۆی ساڵی ١٩٧٤ ئاوارەی وڵاتی ئێران بووە، ساڵی ١٩٧٦ دووبارە پەیوەندی بە هێزی پێشمەرگەوە کردووە و لەلای نادر هەورامی بووە پێشمەرگە لە هێزی هەورامانی پارتی دیموکراتی کوردستان، ساڵی ١٩٧٨ حەمەئەمین حەمەساڵح و چەند هاوسەنگەرێکی بۆ بەجێ گەیاندنی ئەرکێک لەناو شار بە فەرمانی نادر هەورامی دەچنە ناحیەی وارماوە و ڕووبەڕووی سەربازانی ڕژێمی بەعس دەبنەوە، لە ئەنجامدا حەمەئەمین حەمەساڵح بە سەختی بریندار دەبێت و هاوسەنگەرانی بۆ وەرگرتنی چارەسەر دەگوازنەوە بۆ گوندی ئاوەکەڵەی نزیک ناحیەی وارماوە، دوای سێ ڕۆژ لە وەرگرتنی چارەسەر هێزێکی زۆری جاش و سەربازی ڕژێمی بەعس چواردەوری گوندەکە دەگرن و حەمەئەمین حەمەساڵح دەستگیر دەکەن و، دەیگوازنەوە بۆ شاری موسڵ و دوای چەند ڕۆژێک لە سێدارە دەدەن و شەهید دەبێت، یەکێکە لەو شەهیدانەی کە گۆڕی نادیارە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
