شەهید حەمەد ئیبراهیم عەوڵا لە ساڵی ١٩٥٥ لە گوندی وەسمانی سەربە ناحیەی قەسرێی قەزاى چۆمان پارێزگاى هەولێر لە دایکبووە، گوندنشین و سەرقاڵی کاری جوتیاری بووە، تا قۆناغى سەرەتایی خوێندووە.
شەهید حەمەد ئیبراهیم، ساڵی ١٩٧٤ پەیوەندى بەهێزى پێشمەرگەی شۆڕشی ئەیلوول کردووە و لە بەشی تۆپخانەی هێزی باڵەکی پارتی دیموکراتی کوردستان کە لەو کاتەدا عومەر ئاغای دۆڵەمەری بەرپرسی بووە بۆتە پێشمەرگە. بەشداری لە شەڕی ڕواندز، شەڕی کۆڕەک، شەڕی سەرتیز، شەڕی چیای کۆلیتار کردووە.
لە مانگی ئاداری ١٩٧٥ لە ئەنجامی هێرشی تۆپخانەکانی ڕژێمی ئەوکاتی عێراق بۆسەر سەنگەری پێشمەرگە لە چیای کۆلیتار، شەهید بووە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
