ژیاننامە
شەهيدێ فەرماندە عه‌بدولقادر حه‌سه‌ن یێ به‌رنیاس ب حه‌جی قادو گرافی ل سالا ١٩٢٨ ژ خێزانەکا کورد پەروەر ل دولا شەهيدان (خەنوکەی) ل سەر سنورێ عێراق و توركيا هاتیه دنیایێ .
خەباتنامە
ل ساڵا ١٩٥٨ ێ په‌یوه‌ندیێ ب رێكخستنێن نهێنی پارتی دیموكراتی كوردستان کريه ل باژێرێ زاخۆ دگەل سەيد ساڵح یوسفی، ل ساڵا ١٩٦١ ل دەستپێکا شۆڕشا ئەیلوولا مەزن سالا ١٩٦١ ئەو پەیوەندیێ دگەل بارزانیێ نه‌مر دکەن دەمێ گەهەشتیيه دەڤەرا زاخۆ، ل سالا ١٩٦٨ ل سەر فەرمانا بارزانیێ نه‌مر ئامر هێز و پێکئینانەکا ١٥٠ کەسی بۆ دهێتە دورست کرن ژلايێ هێزا زاخۆڤە،
ل سالا ١٩٧٢ دبيته جێگرێ بەتەليونا سێ هێزا زاخۆ، ل سالا ١٩٧٤ دبيته ئامر بەتەليونا چار ل هێزا زاخۆ هەتا کو تێکچوونا شۆڕەشا ئەيلوولا مەزن، شەهید حەجی قادو زور کارێن پارتايەتيێ ل دەڤەرێ و کوردستانا سوريا و تورکيا ئەنجام داینە، هاريكاريا پێشمەرگەی یا کری وەکو ئينانا پێدڤییا و جلوبەرگێن پێشمەرگەی و گەلەک پێتڤيێت دی يێن شۆڕەشێ ب درێژاهيا شۆڕەشا ئەيلوولێ.
ل سنوورێ لەشکەرێ ئێک دا گەلەک جاران هاريكاریكارى پێتڤيێت پێشمەرگەی ل سەر حسابا خوە يا تايبەت دکرين، شەهيدێ فەرماندە ل درێژاهیا ژيانا خوەيا پێشمەرگايەتيێ دا پشکدار چەندین د شەراندا کرییە وەکوگرتنا عين زاله دەورەکێ سەرەکی هەبوويه، شەرێ مەتينا، شەرێ کورێت گابانا، شەرێ سياروسپيندارا، دزێ، شەرێن گەليێ زاخۆ بو چەندين جارا،شەرێ ئیبراهيم خه‌ليل، شەرێ گەوريا عەمەر ئاغا ل سالا ١٩٧٤ و سەرکردێ قوەتا هێزا زاخۆ بوويه ل وی شەری، تێکشکاندنا هێرشا دوژمنی ل گوندێ هرورێ ل سالا ١٩٧٧، شەرێ مەزنێ بێلمبيرێ ل دەڤەرا بەرواری بالا ل سالا ١٩٧٧ و سەرکردێ وی شەرى بوويه.
پشتی تێکچونا شۆڕەشێ ل سالا ١٩٧٥ شەهيدێ نەمر ئاوارەى وەلاتێ ئيرانێ دبيت و خوە نادەتە دەستێ دوژمنی، پشتی بورينا چەندين هەيڤان قەستا دەڤەرێ دکەت ژ بوو رزگار کرنا خێزانا خوە ژدەستێ دوژمنی و شيا ئەڤی کاری ئەنجام بدەت خێزانا خوە بەرڤ ئيرانێ ڤە ببەت، بەلێ دگەهيتە گوندێ سێرو ل سەر سنوورێ توركيا و ئيرانێ ژلايێ رژێما شاهێ گوربەگور تێنە دەستەسەرکرن ل گەل خێزانا وی تەسليمی ئێراقێ دکەن بۆماوێ دوو هەيڤان تێتە دەستەسەرکرن ل هەولێرێ و دهوکێ و پاشی دهێنە ئازاد کرن، جارکا دی شەهيد نەچاردبيت ژبەر هەستێ خوە يێ کوردايەتيێ بەرەڤ سنوورێ تورکيا دچيت و دگەهيته دناڤ رێزێت شۆڕەشا گوڵانێ ل سالا ١٩٧٦ و رولەکێ هەرە گرنگ د شۆڕەشا گولانێ دا دبينيت و بارەگايەکێ زور گرنگ ل ناڤ کوردستانا عێراقێ ل گوندێ گوفکێ دا دامەزرينيت و دبيته سەرکردەکێ شۆڕەشا گوڵانێ تا ل روژا ٢٤ی ئایارا ١٩٧٧ هاته شەهيد كرن ل شەرێ بێلمبيرێ.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
