ژیاننامە
حازم ئیسماعیل لە ساڵی ١٩٥٠ لە گوندی ماستاوەی سەربە ناحیەی قوشتەپەی پارێزگای هەولێر لە دایکبووە، گوندنشین بووە و سەرقاڵی کاری جوتیاری و کورەچی بووە، ئاستی خوێندەواری سەرەتایی بووە.
خەباتنامە
شەهید حازم ئیسماعیل لە ساڵەکانی ١٩٦٣ و ١٩٦٥ دووجار هەوڵی بوون بە پێشمەرگەی داوە بەڵام بەهۆی بچوکی تەمەنیەوە لە لایەن شەهید فارس باوە فەرماندەی هێزی دەشتی هەولێر ڕەتکراوەتەوە، بەڵام دواجار لە ساڵی ١٩٦٥ وەک کادری شانەی نهێنی پارتی دیموکراتی کوردستان هێزی دەشتی هەولێر قبوڵ کراوە، کە ڕاسپێردرابوو بۆ کۆکردنەوەی ئابوونەی مانگانە و ڕێنیشاندەری دەڤەرەکە.
لە ساڵی ١٩٦٩ شەهید حازم ئیسماعیل لەگەڵ شەهید فارس باوە و دەستەیەک پێشمەرگەی هێزی دەشتی هەولێر، ویستوویانە بگەڕێنەوە ناو گوندی ماستاوە بەڵام کەوتوونەتە بۆسەی گروپی ئیبراهیم ئەحمەد - جەلال تاڵەبانی و پێشمەرگەیەکی دەستەکە شەهید بووە و حازم بە سەختی بریندار بووە، دواتر حازم بە برینداری دەستبەسەر کراوە و لە بەردەم مزگەوتی گوندی ماستاوە لە بەرچاوی تەواوی دانیشتوانی گوند گولە باران کراوە و شەهید بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
