ژیاننامە
جەوهەر باپیر حەمەدئەمین یوسف لە ساڵی ١٩٥٤ لە پارێزگای هەولێر لە دایکبووە، دەرچووی قۆناغی ناوەندی بووە، بۆتە فەرمانبەر لە دیوانی ڕۆشنبیری پارێزگای هەولێر، شەهید جەوهەر باپیر خێزاندار بووە و خێزانی ناوی وەهبیە عەباسە و خاوەنی دوو کچ بووە بەناوەکانی میدیا و مەهاباد.
خەباتنامە
شەهید جەوهەر باپیر لە ساڵی ١٩٨٥ بۆتە کادری ڕێکخستنی شانە نهێنیەکانی لقی دووی پارتی دیموکراتی کوردستان لە ناو شاری هەولێر، کە لەوکاتەدا مام عومەر سەرپەرشتیاری شانە نهێنیەکە بووە.
لە ڕێکەوتی ١١ی ئاداری ١٩٩١ چەکی هەڵگرتووە و بۆتە پێشمەرگە لە مەفرەزەی مام عومەر کە سەر بە پێشمەرگەکانی لقی دوو بووە، هەر لە هەمان ڕۆژدا لە نزیک گوندی حەساڕۆکی پارێزگای هەولێر کەوتوونەتە بۆسەی سەربازانی ڕژێمی بەعس و جەوهەر باپیر شەهید بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
