ژیاننامە
دکتۆر تۆفیق لە ساڵی ١٩٤٦ لە گوندی کانی وەتمانی سەربە ناحیەی خەلیفان لە دایکبووە، قۆناغی دواناوەندی تەواو کردووە، دایکی ناوی ئامینە ئەحمەدەو و براکانی سدیق، رەیسی، ئەحمەد، ساڵح و دوو خوشکى هەبوون بە ناوى زول و فاتم، سدیقی برای شەهیدی شۆڕشی ئەیلوولە.
خەباتنامە
لە ساڵی ١٩٧٠ پەیوەندی بە هێزی پێشمەرگەی پارتی دیموکراتی کوردستانەوە دەکات و دەچێتە لای ملازم یونس ڕۆژبه‌یانی، چونکە خوێندەواریی هەبووە، بەشداری خولی برینپێچی کردووە لە سەرکردایەتی لە گەڵالە. دوای تەواوکردنی خولەکە چه‌ندین دکتۆر دەگوازرێنەوە بۆ لقە جیاجیاکانی پارتی دیموکراتی کوردستان و دکتۆر تۆفیق و دکتۆر عەزیز بەر لقی چواری پارتی دەکەون و روو لە سنوری پارێزگای سلێمانی دەکەن.
لە ساڵی ١٩٧١ لە ئەشکەوتێکی گوندی خەلەکان جێگیر دەبن، دواتر هێزێکی سەرباز و جاش هێرش دەکەنە سەریان و لە ڕووبه‌ڕووبوونه‌وه‌یان فیشەکێکی بەردەکەوێت و شەهید دەبێت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
