ژیاننامە
کەمال عەوڵا عەلی مستەفا، لە ساڵی ١٩٥٢ لە شارۆچکەی شەقڵاوە لەدایکبووە، ئاستی خوێندەواری سەرەتایی بووە، خەریکى کەسابەتى ڕۆژانە بووە. برایەکی کە ناوی حەمەدەمین عەوڵا عەلی بوو، لە شۆڕشی ئەیلوول شەهیدبووە. کەمال عەوڵا خێزاندار بووە و خێزانەکەى ناوی خانێ عەزیز بووە و کوڕێکیان هەبووە بە ناوی سابیر لەگەڵ سێ کچ بە ناوەکانی رووپاک، دڵپاک، ساکار .
خەباتنامە
لە ساڵی ١٩٧٧ لە ڕێى مام رەسوڵ فەقێ وە پەیوەندى بە ڕیزەکانى پارتی دیموکراتی کوردستان و دەبێتە پێشمەرگە، لەو ساڵە بەدواوە دا بێ دابڕان درێژە بە پێشمەرگایەتى دەدات و لە سەرجەم داستانەکانى ئەو ماوەیەدا بەشدار دەبێت، لە ساڵی ١٩٩١ پەیوەندی بە هێزەکەی ئەحمەد زەخۆک دەکات و بەشداری تەواوى لە ڕاپەڕینى بەهارى ئەم ساڵەدا دەبێت.
لە ڕێکەوتى ١٤ ی نیسانی ١٩٩١ لە قەزای ئاکرێ لەسەر چەکی جۆری (دۆشکە) دەبێت و لەسەر قەلعەی ئاکرێ جێگیر دەبێت و نەبەردانە روبەروی دووژمن دەوەستێتەوە، تا دەکەوێتە بەر بۆردومانى تانکەکانى ڕژێمی بەعس و شەهید دەبێت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
