ژیاننامە
ئیسماعیل لاو ئیسماعیل میرزا لە ساڵی ١٩٣١ لە گوندی ماوەرانی سەربە ناحیەی هەریر لە دایکبووە، گوندنشین بووە و سەرقاڵی کاری ئاژەڵداری بووە، ئیسماعیل لاو خێزاندار بووە و خێزانی ناوی فاتیمە ئیبراهیم بووە، خاوەنی یەک کوڕ و دوو كچ بووە بە ناوەکانی حامید، فاتم و نازەنین.
خەباتنامە
شەهید ئیسماعیل لاو لە ساڵی ١٩٦٣ بۆتە پێشمەرگە لە لقی حاجی ئەنوەر پڵنگانی، کە سەربە بەتالیۆنی بێتواتەی پارتی دیموکراتی کوردستان بووە.
لە ساڵی ١٩٦٥ لەگەل دەستەیەک هاوسەنگەری ویستوویانە بچنە بارەگای هێزی سەفین لە چیای سەفین، بەڵام لە نزیک گۆڕستانی گوندی حوجرانی سەربە قەزای شەقڵاوە مینێکی چێندراو بە ئیسماعیل لاودا تەقیوەتەوە و ئیسماعیل لاو شەهید بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
