شەهید نەزیر مستەفا محەمەدسەلیم، ساڵی ١٩٦٧ لە گوندی ئەرگۆش ناحیەی شیروان مەزن قەزای مێرگەسۆری پارێزگای هەولێر لەدایک بووە. قۆناغى سەرەتایی خوێندى لە گوندى ئەرگۆش خوێندووە و ساڵى ١٩٧٥ دواى نسکۆى شۆڕشی ئەیلوول لەگەڵ خانەوادەى ئاوارەى وڵاتى ئێران بووە. لە ئاوارەیی دەستی بە خوێندن کردووە.
ساڵى ١٩٨٠ پەیوەندى بە ڕیزەکانى یەکێتی قوتابیان و لاوان کردووە. هەمان ساڵ پەیوەندى بە ڕیزەکانى پارتی دیموکراتی کوردستان کردووە و بەرپرسی ڕێکخراوى یەکێتی قوتابیان و لاوان بووە. ساڵى ١٩٨٦ پەیوەندى بە هێزى پێشمەرگەى شۆڕشی گوڵان کردووە و بۆتە پێشمەرگە.
ساڵى ١٩٨٧ لە دۆڵی باڵەییان لەدەڤەرى باڵەکایەتى لە هێڕشێک بۆ سەر مۆلگەکانى سوپاى عێراق شەهید بووە و هەر لە گۆڕستانى باڵەییان بەخاک سپێردراوە.
سەرچاوە:
١- ئەرشیفى دەستەی ئینسکلۆپیدیاى پارتى دیموکراتى کوردستان.
