ژیاننامە
عەلی مەحمود محەمەد شوکر، لە ساڵی ١٩٣٩ لە گوندی توڵەبی دەڤەری شەمێران سەربە قەزای دەربەندیخان لەدایکبووە، گوندنشین بووە و سەرقاڵی کاری جوتیاری بووە، خێزانی عەلی مەحمود ناوی نەبیلە عەبدولڕەحمان و کچەکەی ناوی گەردەیە.
خەباتنامە
عەلی مەحمود لە ساڵی ١٩٦٣ بووە پێشمەرگە لە پەلی حەمەکەریم عارەب کوژ سەربە هێزی شەمێران بە فەرماندەیی حەمە شەمێرانی، کە لەوکاتەدا هێزی شەمێران هێزێکی سەربەخۆ بووە و شەهید حەمە شەمێرانی فەرماندەی بووە و فەرمانی لە سەرکردایەتی شۆڕشەوە وەرگرتووە، هەروەها سنووری چاڵاکی ئەم هێزە لە دەڤەری شەمێران و دەڤەری نەوڕۆڵی بووە زیاتر. بەڵام دوای دروست کردنی پێکهاتەی سەربازی شۆڕشی ئەیلوول لە ساڵی ١٩٦٥ ئەم هێزە هەر وەک هێزێکی سەربەخۆ مایەوە و خرایە سەر هێزی خەباتی پارتی دیموکراتی کوردستان.
عەلی مەحمود بەشداری لە شەڕەکانی دەربەندیخان و هەڵەبجە کردووە، لە بەرواری ١ی شوباتی ١٩٦٧ دوای گەڕانەوەیان لە شەڕی هەڵەبجە لە ناحیەی سیروان دەکەونە بۆسەی سەربازانی ڕژێمی عێراق و عەلی مەحمود شەهید دەبێت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
