له ساڵی ١٩٦١ بووتە ئەندامی یەکێتی قوتابيانى كوردستان، له سالى ١٩٦٤ بووە بە بەرپرسی لێژنەی ناوچەی قوتابيانى کۆیە تاوەکو ١٩٦٨ لە زانکۆی بەغدا كاديرێکی دیاری پارتی دیموکراتی کوردستان بووە، لە ساڵی ١٩٧٠ لە کۆنگرەی شەشەمی یەکێتی قوتابیان بە ئەندامی سکرتاریەتی قوتابيانی کوردستان هەڵبژێردراوەن له هەمان کات کارگێری ڕێکخراوی بڵێسە بووە لە لقى ٥ى پارتى لە شاری بەغدا، ساڵی ١٩٧٢ کۆلێژی ئادابی تەواو کردووە لە زانکۆی بەغدا، لە ساڵی ١٩٧٢ لە کۆنگرەی ٧ی یەکێتی قوتابيانى کوردستان یەکەم دەنگی به دەستهێناوە، دوای تەواوکردنی کۆلێژی ئاداب یەک ساڵ خزمەتی سەربازی لە سوپای عێراقی کردووە لەسەر داوای مەکتەبی سیاسی پارتی، دوای ساڵی ١٩٧٣ بووە بە پێشمەرگە لە سنووری باڵەکایەتی و بە بەرپرسی پاراستنی ڕواندز دەست نیشانکراوە، ماوەیەک لە هێزی کاوە بووە لەوێش هەر بەرپرسی پاراستن بووە، دوای نسکۆی شۆڕشی ئەیلوول لە ساڵی ١٩٧٥ ئاوارەی وڵاتی ئێران بووە، گەراوەتەوە بۆ عێراق بۆ ماوەی پێنج (٥) دورخراوتەوە بۆ سەماوە لە باشووری عێراق، ١٩٨٠ - ١٩٨١ جارێکتر پەیوەندی بە شۆڕشی گوڵان کردووە و کارگێڕی ناوچه دەست نیشان کراوە، دواتر کراوە بە بەرپرسی ناوچەی خۆشناوەتی، دوای ڕاپەڕین ساڵی ١٩٩١بە فەرمانی جەنابی سەرۆک مەسعود بارزانی بووە بە بەرپرسی ناوچەی هەولێر تا نزیکەی هەڵبژاردنی ١٩ی ئایاری ١٩٩٢ی پەرلەمانی کوردستان، ئەوکات بووە بە بەرپرسی ئەمنی هەڵبژاردن، دوای یەکەم دانیشتنی پەرلەمانی کوردستان بووە بە یەکەم بەرپرسی ئاسایشی هەولێر، دواى تەقينەوەکەی دهۆک بووە بە بەرپرسی ئاسایشی دهۆک بۆ ماوەی ٦ مانگ، لەسەر فەرمانی جەنابی سەرۆک بووە بەرپرسی پاراستنی لقى ١١ تا کاتی خانەنشینی بوونی بە پلەی لیوا خانەنشین کرا.
سەرچاوە:
١- ئەرشیفی دەستەی ئینسکلۆپیدیای پارتی دیموکراتی کوردستان.
