شێخ حسێن

شه‌هید حسێن نەجم حسێن مستەفا ناسراوە بە (شێخ حسێن)، پێشمەرگەی شۆڕشی ئەیلوول بووە، بەرپرسی شانەی نهێنی ناو شار بووە لە شۆڕشی گوڵان، ساڵی ١٩٨١ لە گرتووخانەی شاری موسڵ لە سێدارە دراوە.


ژیاننامە

شه‌هید حسێن نەجم حسێن مستەفا ناسراوە بە شێخ حسێن، ساڵی ١٩٣١ لە گوندی بالیسان لە دایکبووە، دانیشتووی گوندی شیناوەی سەربە ناحیەی هەریر بووە، تاقۆناغی سەرەتایی خوێندوویه‌تی، لە پۆلیسی هەولێر دامەزراوە و پلەی نایب عەریف بووه‌، ساڵی ١٩٧٥ دوای نسكۆی شۆڕشی ئەیلوول ئاوارەی وڵاتی ئێران بووە و لە شاری مەهاباد نیشتەجێ بووە، ساڵی ١٩٧٦ گەڕاوەتەوە کوردستان، خیزاندار بووه‌ خیزانه‌كه‌ی ‌ناوی كه‌زی خدر و خاوه‌نی دوو كچ و كوڕێك بووه‌ به‌ناوه‌كانی فاتیمه‌، جیهان و عه‌لی.


خەباتنامە

شه‌هید حسێن نەجم حسێن مستەفا، ئه‌وكاته‌ی پۆلیس بووه‌ له‌ شاری هه‌ولێر پەیوەندی بە ڕێکخستنە نهێنییەکانی پارتی دیموكراتی كورستان له‌ ناو شاره‌وه‌ کردووە، ساڵی ١٩٦٨ لە كاتی ئه‌نجامدانی چالاکییەک ئاشکرا بووە، بۆیه‌ ده‌چێته‌ چیای سەفین و لە بەتالیۆنی سێی سەفین بە فەرماندەیی مام ڕەسوڵ فەقێ سەربە هێزی سەفینی پارتی دیموکراتی کوردستان ده‌بێته‌ پێشمه‌رگه‌، ساڵی ١٩٧٥ دوای نسكۆی شۆڕش ئاوارەی وڵاتی ئێران بووە، ساڵی ١٩٧٦ دوای دەرچوونی لێبوردنی گشتی گەڕاوەتەوە کوردستان، به‌ڵام دوورده‌خرێته‌وه‌ بۆ ناحیەی غەڕاتی سەربە پارێزگای ناسڕیە ماوه‌ی یه‌ك ساڵ له‌وێ ده‌مێنێته‌وه‌، پاشان ده‌گه‌ڕێته‌وه‌ شاری هەولێر و له‌وێ نیشتەجێی ده‌بێت، سەرەتای دەستپێکی شۆڕشی گوڵان، په‌یوه‌ندی به‌ ڕێكخستنه‌ نهێنییه‌كانی  لێژنه‌ لقی دووی پارتی دیموکراتی کوردستان ده‌كات، به‌رپرسیاریه‌تی چه‌ند شانه‌یه‌كی نهێنی له‌ناو شاری هه‌ولێر پێ ده‌سپێردرێت.

لە ١٢ی ئایاری ١٩٨١ له‌كاتی ئه‌نجامدانی كۆبوونه‌وه‌ له‌گه‌ڵ شانه‌ نهینیه‌كانی ناوشار به‌خۆی و چەند نامەیەکی نهێنی ئیدریس بارزانی، لە گەڕەکی شۆڕشی شاری هەولێر لەلایەن ئەمنی هەولێرەوە دەستگیر دەکرێت، پاش ده‌ستگیركردنی دەگوازرێتەوە بۆ قەڵای کەرکووک و لە دادگای سەربازی فەرمانی لەسێدارەدانی بۆ ده‌رده‌چێت و دەگوازرێتەوە بۆ گرتووخانەی شاری موسڵ، له‌ ١١ی تشرینی دووەمی ١٩٨١ لە گرتووخانەی شاری موسڵ شه‌هید حسێن نەجم لە سێدارە دراوە و یەکێکە لەو شەهیدانەی کە گۆڕی نادیارە.


سەرچاوە:

ئەرشیفی دەستەی ئینسکلۆپیدیای پارتی پارتی دیموکراتی کوردستان.


بابەتی پەیوەندیدار

عەبدوڵا ئاغاى گۆرۆنى

عەبدوڵڵا حەمەد مەلا ئەحمەد، ناسراو بە عەبدوڵا ئاغاى گۆرۆنى، ساڵى ١٩٠٥ لە گوندى گۆرۆنى سەر بە قەزاى چۆمانى پارێزگاى هەولێر لەدایک بووە، ڕیش سپى گوندى گۆرۆنى بووە، ساڵى ١٩٤١ لە تەمەنى لاوێتیدا پەیوەندی بە ڕیزەکانی ڕێکخستنی حیزبی هیوا دەکات...

زانیاری زیاتر

سەبری حەسەن سەبری

سەبری حەسەن سەبری لە ساڵی ١٩٩١پەیوەندی دەکات بەپارتی دیموکراتی کوردستان، لە ساڵی ١٩٩٧ لەشەڕی بەرگری لەسەروەری یاسا لە چیای دڕەبی بەگولەی چەکدارانی پەکەکە شەهید کراوە.

زانیاری زیاتر

خۆشەوی ئەسعەد میر ئەحمەد

خۆشەوی ئەسعەد میر ئەحمەد لە ساڵی ١٩٩١ پەیوەندی دەکات بەپارتی دیموکراتی کوردستان، لە ساڵی ١٩٩٧ لەشەڕی بەرگری لەسەروەری یاسا لە چیای دڕەبی بەگولەی چەکدارانی پەکەکە شەهید کراوە.

زانیاری زیاتر

جەوهەر خدر قادر

جەوهەر خدر قادر لە ساڵی ١٩٩١پەیوەندی دەکات بەپارتی دیموکراتی کوردستان و بۆتە پێشمەرگە، لە ساڵی ١٩٩٧ لەشەڕی بەرگری لەسەروەری یاسا لە چیای دڕەبی بەگولەی چەکدارانی پەکەکە شەهید کراوە.

زانیاری زیاتر

ئەبوبەکر عومەر سێوک لێلکانى

ئەبوبەکر عومەر سێوک لێلکانى، ساڵى ١٩٥٣ لە گوندى لێلکان سەر بە ناحیەى سیدەکان پارێزگاى هەولێر لەدایک بووە، تا قۆناغى سەرەتایی خوێندووە، ساڵى ١٩٨٨ ئاوارەى وڵاتى ئێران دەبێت و لە ئۆردوگاى بارزان ئابادی شارى شنۆ نیشتەجێ دەبێت، ژیانى هاوسەرگیرى پێک هێنابوو و خاوەنى سێ کوڕ و سێ کچە، ساڵى ١٩٩١ دواى ڕاپەڕینى جەماوەرى باشوورى کوردستان دەگەڕێتەوە کوردستان.

زانیاری زیاتر