ژیاننامە
شههید حەمەسەعید ڕەشید ڕەحمان عەلی، ساڵی ١٩٤٩ لە گوندی دۆڵی ناوحەوت لە دەڤەری شەمێرانی سەربە قەزای دەربەندیخانی پارێزگای سلێمانی لە دایکبووە، گوندنشین بووە و سەرقاڵی کاری جوتیاری بووە، برایەکی بەناوی ساڵح ڕەشید لە ساڵی ١٩٦٧ لە شۆڕشی ئەیلوول شەهید بووە.
خەباتنامە
شههید حەمەسەعید ڕەشید ڕەحمان عەلی، ساڵی ١٩٦٣ بۆته پێشمەرگە لە هێزی شەمێران بە فەرماندەیی حەمە شەمێرانی، کە لەوکاتەدا قوەتی شەمێران قوەتێکی سەربەخۆ بووە و فەرمانی لە سەرکردایەتی شۆڕشەوە وەرگرتووە، هەروەها سنووری چاڵاکی ئەم قوەتە لە دەڤەڕی شەمێران و دەڤەری نەوڕۆڵی بووە، بەڵام دوای داڕشتنهوهی ههیكهلیهتی پێکهاتەی سەربازی شۆڕشی ئەیلوول ساڵی ١٩٦٥ ئەو قوەتە خرایە سەر هێزی خەباتی پارتی دیموکراتی کوردستان.
ساڵی ١٩٦٥ سەنگەریان لە چیای زمناکۆی نزیک قەزای دەربەندیخان بووە، لە ڕێگای بردنی چەند نامە و دروشمێک بە فەرمانی حەمە شەمێرانی فەرماندەی هێزی شەمێران بۆ فەرماندەی هێزی خەبات لە ناحیەی بیارە لە دەڤەری هەورامان، لەگەڵ هاوسەنگەرێکی بە ناوی ڕەشید مێلورە لە نزیک ناحیەی سیروان دەکەونە بۆسەی سەربازی ڕژێم و دەستگیر دەکرێن و دەگوازرێنەوە بۆ پارێزگای سڵیمانی، یەکێکن لەو شەهیدانەی کە گۆڕیان نادیارە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
