ژیاننامە
حەمەزاهید عزەت قەمەر محەمەد لە ساڵی ١٩٦٦ لە گوندی لاوەرانی سەربە بە قەزای دەربەندیخانی سەربە پارێزگای هەڵەبجە لە دایکبووە، گوندنشین بووە و قۆناغی خوێندنی سەرەتایی تەواو کردووە، دایکی ناوی حەپسە عەزیز و خێزانی ناوی نەهیە کەریمە و خاوەنی دوو کچ دەبێت بە ناوەکانی چیا و چنور، لە ساڵی ١٩٨٣ شەهید بووە.
خەباتنامە
لە ساڵی ١٩٨٢ پەیوەندی بە ڕیزەکانی شۆڕشی گوڵان کردووە و لە بەتالیۆنی سەید بەهادین سەربە لێژنە ناوچەی هەڵەبجەی پارتی بووتە پێشمەرگە، لە ساڵی ١٩٨٣ لە نزیک گوندی ئیمامی زامنی سەربە ناحیەی سیروان، لەگەڵ هاوسەنگەرێکی بە ناوی باهر عەبدولقادر چاوەڕێی بەلەم دەکەن بۆ پەڕینەوە لە دەریاچەی سیروان، بەڵام لەوکاتەدا فڕۆکەی ڕژێمی بەعس بۆمبارانیان دەکات و حەمەزاهید عزەت شەهید دەبێت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
