ئەو شەهیدە، عومەر عەزیز عوسمان وەهاب لە ساڵی 1951 لە گوندی تەوێڵە سەر بە ناحیەی بیارەی دەڤەری هەورامان لەدایک بووە. کاری باخەوان و بێژەری دەکرد. قۆناغی ناوەندی تەواو کردووە.
ساڵی 1977 بوو بە پێشمەرگە لە هێزی هەورامانی پارتی دیموکراتی کوردستان. ساڵی 1978 پلەی ڕائید وەرگرتووە و گواستراوەتەوە بۆ کەتیبەی نەسرەدین هەورامی کە بەشێک بووە لە هێزی هەورامان.
لە ساڵی 1979 لەگەڵ سێ لە هەڤاڵەکانی لە نزیک دەربەند دزلی لە ئێران کەوتنە بۆسەی چەکدارانی یەکێتی و خۆی و سێ پێشمەرگەکەی دیکە شەهید بوون. دوای شەهید کردنیان بە چەقۆ جەستەیان شێواند و لە ئاوی دزلیدا خنکانیان. دوای چەند ڕۆژێک گەڕان، تەرمەکانیان لەلایەن هەڤاڵەکانیانەوە دۆزرایەوە و لە دێزلی بەخاک سپێردرا.
سەرچاوە:
ئەرشیفی ئینسایکلۆپیدیای Kdp
