Mehmûd Ehmed Rustem di sala 1965an de li gundê Kaneskanî li ser çiyayê Suren li navçeya Xurmal a parêzgeha Helebçeyê ji dayik bûye. Ew gundî û cotkar bû. Piştî têkçûna Şoreşa Eylulê, gundê wî ji aliyê rejîma Iraqê ve hate wêrankirin û ew bi zorê li wargeha Barika ya nêzîkî navçeya Seîd Sadiq hatin bicihkirin. Her wiha, Mehmûd Ehmed bi Xapsa Ebdullah re zewicî bû û keçek wî hebû, Bexan.
Di sala 1981an de, bû kadroyek ji komîteya navçeya Pêncwênê ya şaxê çaremîn ê Partiya Demokrat a Kurdistanê (PDK). Her wiha, salekê di beşa leşkerî ya komîteya devera Derbendîxan a şaxê çaremîn ê PDKê de bû Pêşmerge. Piştre, di sala 1985an de, bi fermana serokê şaxê çaremîn ê PDKê, ew ji bo Komîteya Herêma Pêncwênê hate veguhastin. Li wir, ew wekî serokê firqeya pêncemîn a herêmê û her wiha wekî serokê çalakiyên li bajêr hate tayînkirin.
Wî beşdarî gelek çalakiyan bû, yên herî berbiçav êrîşa li ser qereqola polîsan a Seîd Sadiq, êrîşa li ser sîstema Karagol û kemîna Karagol bûn.
Di sala 1988an de, Mehmûd Ehmed Rustem û hejmarek ji hevalbendên wî li ber gundê Karagolî yê li deşta Şarezûrê kemînek danîn ser karwanek leşkerî ya rejîma Baasê. Ew di şewitandina hejmarek otomobîlan û wêrankirina karwana leşkerî de bi ser ketin. Mehmûd Ehmed Rustem çekek RPG hilgirtibû û di şewitandina wesayîtan de roleke mezin lîst. Piştî vê operasyona girîng, hêzên taybet, karmendên ewlehiyê yên Silêmaniyê û endamên ewlehiya giştî ya Bexdayê bi şopandin û girtina sûcdaran hatin erkdarkirin. Di encamê de, Mehmûd Ehmed Rustem û çend hevalên wî yên bi navê Fehmî Heme Rehîm, Cebar Ehmed Salih, Mihemed Heme Kerîm, Xalid Elî, Welî Mehmûd Osman li Seîd Sadiq û gundên derdorê hatin girtin. Piştî salekê di bin çavdêriyê de, ew ji bo darizandinê birin Ewlekariya Giştî ya Kerkukê, berî ku ji bo bicihanîna fermana dadwer werin veguhestin zindana Ebû Xerîb.
Mehmûd Ehmed Rustem û hevalekî wî yê bi navê Mihemed Heme Kerîm her du di 29ê Mijdara 1989an de li girtîgeha Ebû Xerîb hatin îdamkirin.
Kanî:
Arşîva ensîklopediya Kdp
