حەبیب حەمەڕەشید وەهاب لە ساڵی 1939 لە ناحیەی بیارە سەر بە پارێزگای هەڵەبجە لەدایک بووە. دانیشتووی شاری بیرە بووە و کاری باخداری کردووە، تەنها خوێندنی سەرەتایی وەرگرتووە، و خێزاندار بووە و هاوسەرەکەی زانوبا عەبدولقادر بووە سێ کوڕ و دوو کچیان هەبووە، دوو کچیان بە ناوی ساحیب لە ساڵی ١٩٨٨ و هەورامان لە ساڵی ١٩٩٥ شەهید بوون.
لە هێزی هەورامانی پارتی دیموکراتی کوردستان بوو بە پێشمەرگە، کە لەو سەردەمەدا نادر هەورامی فەرماندەی ئەو هێزە بوو. لە ساڵی 1979 لەگەڵ فەوجێکی چەکدارانی پێشمەرگە کە بۆ چالاکی حزبی دەچوونە دەڤەری هەورامان، لەو کاتەدا کەوتنە بۆسەی سەرباز و هاوکارانی ڕژێمی عێراق (جاشەکان) و دوای ڕووبەڕووبوونەوەکە، حەبیب حەمەڕەشید وەهاب بە سەختی بریندار دەبێت و هاوەڵەکانی گواستویانەتەوە بۆ ئێران بۆ چارەسەرکردن، بەڵام بەهۆی سەختی برینەکەیەوە، دوای ئەوە شەهید بووە تەنها بۆ ماوەی یەک ڕۆژ لە نەخۆشخانەی تاران مانەوە.
