ژیاننامە

شەهید هاشم عەزیز ئەحمەد ناسراو بە هاشم میروزی، لە ساڵی 1925 لە گوندی میروزی سەر بە ناوچەی مزوری باڵە سەر بە قەزای مێرگەسۆر لە پارێزگای هەولێر لەدایک بووە، دووجار هاوسەرگیری کردووە، سەرەتا لەگەڵ بەسنە خەلیل و دواتر لەگەڵ فەیروز، خاوەنی شەش کوڕ و چوار کچە. دوو کوڕی شەهید بوون: حسێن هاشم عەزیز میروزی لە ساڵی 1966، و سدیق هاشم میروزی لە ساڵی 1986.

لاپەڕەکانی خەبات

لە ساڵی ١٩٢٥ پەیوەندی بە ڕیزەکانی شۆڕشی دووەمی بارزانەوە کردووە، و یەکێک بووە لە پێشمەرگە ئازا و قارەمانەکانی شۆڕشی بارزان. هەر لە تەمەنی لاوێتیەوە لە نێو ئەندامانی عەشیرەتی مەزوری خۆیدا بە یەکێک لە تێکۆشەرە بوێرەکان ناسراوە. نوێنەری شێخ ئەحمەد بارزانی بووە لە عەشیرەتی مزوری، و بووە بە پێشمەرگە. شۆڕشی ئەیلول ساڵی 1961 ئەرکی جێگری فەرماندەی هێزەکانی زاخۆ (عیسا سوار سیلکی)ی لە ساڵی 1961 وەرگرتووە.

وەک فەرماندە و سەرپەرشتیاری هێزی پێشمەرگە بەشداری زۆر شەڕ و داستانی کردووە، لەوانە شەڕەکانی گەلی زاخۆ، باتیفا، گەلی سپی، عەین زاڵا، مەتینا، گەرە، زاویتە، ئەتروش، گەلی قیامەت، دووجار بە سەختی بریندار بووە. بەهۆی بوێری و ئەزمونی خۆیەوە بە فەرمانی بارزانی نەمر پلەی فەرماندەی هێزی شێخانی پێبەخشرا.

لە شەڕی چیای ئەتروش لە ١٠ی ئایاری ١٩٦٥ بە سەختی بریندار بوو و دوای چەند کاتژمێرێک لە برینداربوونی گیانی لەدەستدا. لە گوندی حەسینکە لە ناوچەی مەزوری چیای ئەتروش بە خاک سپێردرا. یەکێک بوو لەو شەهیدانەی کە گۆڕەکەی نەناسرابوو، بەڵام دوای ٤٥ ساڵ لە شەهیدبوونی گۆڕەکەی دۆزرایەوە.

سەرچاوە:

ئەرشیفی دەسەڵاتی ئینسایکلۆپیدیای پارتی دیموکراتی کوردستان.