محەمەد حەمە کەریم حەمە سدیق ناسراو بە حەمە سۆفی کەریم لە ساڵی ١٩٥٥ لە گوندی کانی سەیف لە دامێنی چیای سورین لە قەزای خورماڵ لەدایک بووە. گوندنشین بووە و لە بواری کشتوکاڵدا کاری کردووە. خوێندنی سەرەتایی تەواو کردووە و دوای ئەو پاشەکشەیە پەنای بۆ ئێران بردووە. شۆڕشی ئەیلول لە شاری مەریوان نیشتەجێ بوو. هاوسەری عەینە حەمەسەعید بووە و باوکی چوار کوڕ و سێ کچی (کازم، مەسعوود، یادگار، ئەسەد، ڕەحمە، ڕێزان، فاتیمە) بووە.
لە ساڵی ١٩٨٦ لە هێزەکانی سورینی کۆمیتەی خۆجێیی دەربەندیخان لە لقی چواری پارتی دیموکراتی کوردستان پەیوەندی بە پێشمەرگەوە کردووە. حەمە سۆفی کەریم لە ساڵی ١٩٨٧ بەهۆی بۆمبەکانی فڕۆکەکانی ڕژێمی بەعس لە پێگە بەرگرییەکان لە چیای سورین بە سەختی بریندار بوو.
لە سەرەتای ڕاپەڕین لە دەڤەری شارەزوورەوە بەشداری لە ڕاپەڕینی جەماوەری خەڵکی کوردستان کردووە. ناوبراو لە ٧ی ئازاری ١٩٩١ لە کاتی ئۆپەراسیۆنی کۆنترۆڵکردنەوەی کەمپی قەینجە لە نزیک سەیدسادق لەلایەن سەربازەکانەوە تەقەی لێکرا.
سەرچاوە:
ئەرشیفی دەسەڵاتی ئینسایکلۆپیدیای پارتی دیموکراتی کوردستان.
