شەهید عومەر کەریم قادر ناسراو بە (شەهید شەماڵ) دەرچووی قۆناغی ناوەندی، پێشمەرگەی شۆڕشی گوڵان بوو. لە ساڵی 1983 دوای ئەوەی کەوتە بۆسەیەک کە لەلایەن جەلالییونەکانەوە بۆی دانرابوو لە نزیک ڕووباری سیروان شەهید بوو.
شەهید عومەر کەریم قادر ناسراو بە (شەهید شەماڵ) لە ساڵی 1965 لە قەزای دەربەندیخان لە پارێزگای سلێمانی لە دایکبووە، دانیشتووی قەزای دەربەندیخان بووە و خوێندنی سەرەتایی و ناوەندی لەم قەزایە تەواو کردووە.
پەیوەندی بە هێزی پێشمەرگەی فەوجەکەی تاگۆزینەوە کردووە کە سەر بە هێزەکانی سیروانی پارتی دیموکراتی کوردستان بووە، کە لەو کاتەدا عەزیز حەمەساڵح تاگۆزەی فەرماندەی فەوجەکە بووە، جەلال لاورانیش فەرماندەی هێزی سیروان بووە.
ساڵی 1983 عومەر کەریم و هاوچەکدارە پێشمەرگەکانی لە گوندی جەردەسنە لە ناحیەی شارەزوور لە نزیک ڕووباری سیروان کەوتوونەتە بۆسەی هێزەکانی یەکگرتوو. دوای پێکدادان لە نێوان هەردوولا، عومەر کەریم بە گوللە کوژرا.
سەرچاوە:
ئەرشیفی دەسەڵاتی ئینسایکلۆپیدیای پارتی دیموکراتی کوردستان
