ساحیب حەبیب حەمەڕەشید وەهاب لە ساڵی 1972 لە ناحیەی بیارە سەر بە پارێزگای هەڵەبجە لەدایک بووە، دانیشتووی بیارە، خوێندکاری قۆناغی ناوەندی بووە و پەیوەندی بە ڕیزەکانی پێشمەرگەی فەوجی فیرۆز بیارە، سەر بە هێزەکانی هەورامانی پارتی دیموکراتی کوردستان کردووە.
لە ساڵی 1987 لە ناوچەی هەورامان کەوتە بۆسەی سەربازانی ڕژێمی بەعس و لەوێ بە سەختی بریندار بوو بەڵام سەرەڕای برینەکانی توانی خۆی لە بۆسە ڕزگار بکات. دوای وەرگرتنی چارەسەر لە ساڵی ١٩٨٧ پلەی فەرماندەی فەوجی پێبەخشرا.
ساحیب حەبیب حەمەڕەشید وەهاب لە ساڵی ١٩٨٨ دوای تێکهەڵچوون لەگەڵ سەربازانی ڕژێمی بەعس لە قەزای خورماڵ شەهید بوو و خۆی و هاوەڵەکانی کەوتنە بۆسەی سوپای ڕژیم. سەربازەکان تەرمەکەیان گواستەوە بۆ شاری سلێمانی و لە گۆڕستانی گەردی سیوان لەلایەن شارەوانی شارەوە بەخاک سپێردرا.
سەرچاوە:
ئەرشیفی دەسەڵاتی ئینسایکلۆپیدیای پارتی دیموکراتی کوردستان.
