شەهید سلێمان عەبدولڕەحمان محمد ناسراو بە (سلێمان عەبدولڕەحمان تاگوزی)، پێشمەرگەی شۆڕشی جۆلان، لە ساڵی 1983 لەگەڵ دوو لە هاوڕێ پێشمەرگەکانی لە بۆسەیەکی چەقۆکێشانی ڕژێمی بەعسدا کەوتە خوارەوە. سلێمان عەبدولڕەحمان تاگوزی بە برینداری دەستگیرکرا، دوای ساڵێک و سێ مانگ لە زیندانی موسڵ بەهۆی تەقەکردن شەهید بوو.

شەهید سلێمان عەبدولڕەحمان محمد ناسراو بە (سلێمان عەبدولڕەحمان تاگوزی)، لە ساڵی 1962 لە گوندی تۆشکین کە سەر بە ناحیەی بەمۆیە لە پارێزگای هەڵەبجە لەدایک بووە، لە قەزای زەڕاین نیشتەجێ بووە و خاوەنی دوکانێکی فرۆشتنی کەرەستەی لە بازاڕی قەزاکە بووە. قۆناغی سەرەتایی تەواو کرد.

ساڵی 1981 پەیوەندی بە شانەی سەرەکی پێشمەرگەی سازمانی شەهید شێخ محەمەد لە ناو هێزەکانی سیروانی پارتی دیموکراتی کوردستان کردووە. سەرۆکی شانەکە ناوی حەمە حەمەساڵح کەلجەلی بوو، فەرماندەی هێزەکەش جەلال لاورانی بوو. بەشداری ئۆپەراسیۆنە شەڕکەرەکانی ناوچەکانی شامیران، تاگۆزی، دەربەندیخان، شاری هەڵەبجە، و دەشتی شارەزووری کردووە.

ڕۆژی 3ی ئایاری ساڵی 1983 شەهید سلێمان و دوو لە هەڤاڵانی پێشمەرگەی بە ناوەکانی غەفور محەمەد گەڵجەلی و فایق عەلی غەفور لە نزیک گوندی هۆکان لە ناوچەی تاگوزی سەر بە قەزای هەڵەبجە لەلایەن میلیشیای قەلخانی دڵسۆزی ڕژێمی بەعسەوە کەوتنە بۆسەیەک. پێکدادان دروست بوو، فایق عەلی شەهید بوو. سلێمان عەبدولڕەحمان (سلێمان عەبدولڕەحمان تاگوزی) و غەفور محمد (غەفور گەڵجەلی) دوای شەڕێکی توند بە برینداری کەوتنە دەستی میلیشیاکان. سەرەتا سەرکردەی میلیشیاکە سەری غەفور محەمەد (غەفور گەڵجەلی)ی بڕی. دواتر سلێمان عەبدولڕەحمان (سلێمان عەبدولڕەحمان تاگوزی) و سەری غەفور گەڵجەلییان ڕادەستی سەربازانی ڕژێمی بەعس کرد لە بەرامبەر پارە. دوای ساڵێک و سێ مانگ زیندانی لە موسڵ، سلێمان عەبدولڕەحمان تاگوزی لە ٢٢ی تەمووزی ١٩٨٤ بە گوللە شەهید بوو.  

سەرچاوە:

ئەرشیفی دەسەڵاتی ئینسایکلۆپیدیای پارتی دیموکراتی کوردستان.