جەلال محەممەد ئەحمەد لە ساڵی 1962 لە گوندی دەوڵە سور کە سەر بە ناحیەی ناڵپارێزە لە پێنجوێن لەدایک بووە. گوندنشینێک بوو لە بەخێوکردنی ئاژەڵدا کاری دەکرد و خوێندنی سەرەتایی تەواو کردووە.
لە مەفرەزەی حەسەن سەڵای فەوجی شەهید ئەبوبەکر بانی بنوکی لە ناو هێزەکانی سورینی کۆمیتەی خۆجێیی دەربەندیخان لە لقی چواری پارتی دیموکراتی کوردستان پەیوەندی بە ڕیزەکانی پێشمەرگەوە کردووە. لە دەشتی شارەزوور و لەسەر سنووری عێراق و ئێران بەشداری لە چالاکییەکانی شەڕی گەریلادا کردووە. هەروەها لە شەڕەکانی ڕەزڵە و بارزان لە ساڵی ١٩٨١، و شەڕی ناڵپاریز بەشداری کردووە. لە شەڕەکانی ڕەزڵە و بارزان لە ساڵی ١٩٨١ بە سەختی بریندار بووە.
ساڵی 1982 دوای گەڕانەوەیان لە چالاکییەکی شەڕی گەریلا لە گوندی شانیر، کەوتنە بۆسەی بەکرێگیراوان (جاهوش) سەر بە ڕژێمی بەعس. دوای پێکدادانی توندوتیژی نێوان هەردوولا، جەلال محمد ئەحمەد بە سەختی بریندار دەبێت و لەکاتی برینداربوونیدا دەکەوێتە دەستی بەکرێگیراوان. دواتر ڕادەستی بەشی ئەمنی لە شاری سلێمانی کرا و دوای لەسێدارەدانی بە تەقەکردن شەهید بوو.
سەرچاوە:
ئەرشیفی دەسەڵاتی ئینسایکلۆپیدیای پارتی دیموکراتی کوردستان
