ئەم پەرتووکە تایبەتە بە بیرەوەری پێشمەرگەیەکی شۆڕشی دووەمی بارزان و کۆماری دیموکراتی کوردستان و پەڕینەوە لە ڕێڕویشتنە مێژووییەکەی مەلامستەفا بارزانی و هەڤاڵانی بۆ یەکێتی سۆڤییەتی پێشوو، بابەتەکان به‌پێی كات و ڕووداوه‌كان و بە شێوەی بەش ڕێکخراوە کە لە دەستپێک و نۆ بەش و ئەلبومی وێنەکان پێکهاتووە.

پەرتووکەکە بە گشتی باس لە ژیان و خەباتی تەیمەز عارەب و ئاوارەیی دەکات، گرنگترین بابەتەکانی کشانەوەی لەشکری بارزان بەرەو ڕۆژهەڵاتی کوردستان لە ساڵی ١٩٤٥، پەڕینەوە بەرەو یەکێتی سۆڤییەت و دەستپێکردنی مەینەتییەکان، هەڵگیرسانی شۆڕشی ئەیلوول، گفتوگۆکان و ڕێککەوتننامەی ١١ی ئادار و هەڵگیرسانی شۆڕشی گوڵانە.