ئەڤ پەرتووکە تێزەکا ئەکادیمییە ل سەر سیاسەتا عیراقێ یا گازێ و هەلوێستێ پارتی دیموکراتی کوردستان د ناڤبەرا سالێن (١٩٥٨-١٩٧٥)، کو ژ پێشەکی و دەرازینک و سێ پشک و پاشبەندا پێکدێت.

د دەرازینکێدا، کورتییەکا مێژوویی ل سەر دەستپێکا ڤەدیتنا گازێ ل عیراقێ و هاتنا کۆمپانیێن گازێ بۆ عیراقێ هاتییە بەحس کرن.

پشکا ئێکێ یا ڤێ پەرتووکێ، ل سەر سیاسەتا عیراقێ یا گازێ و هەلوێستێ پارتی دیموکراتی کوردستان، د ناڤبەرا سالێن (١٩٥٨-١٩٦٣)دایە و ژ سێ تەوەران پێکدێت، کو دانوستاندنێن حکومەتا عیراقێ د گەل کۆمپانیێن گازێ و هەلوێستێ پارتی دیموکراتی کوردستان، دەرکرنا یاسا ژمارە (٨٠) یا سالا ١٩٦١ و تێکچوونا پەیوەندیێن حکومەتا عیراقێ و پارتی دیموکراتی کوردستان و لێدانا گازخانا عەینزالە لە چریا ئێکێ ١٩٦٢، هاتییە شرۆڤە کرن.

پشکا دوویێ، بەحسا سیاسەتا عیراقێ یا گازێ و هەلوێستێ پارتی دیموکراتی کوردستان، د ناڤبەرا سالێن (١٩٦٣-١٩٧٠) دکەت و ژ سێ تەوەران پێکدێت، کو دانوستاندنێن حکومەتا عیراقێ د گەل کۆمپانیێن گازێ و هەلوێستێ پارتی دیموکراتی کوردستان د ناڤبەرا سالێن (١٩٦٣-١٩٦٦)، یاسایا ژمارە (٩٧) یا سالا ١٩٦٧ و هەلوێستێ پارتی دیموکراتی کوردستان و لێدانا گازا کەرکووک ل ئادارا ١٩٦٦ ب خۆڤەدگریت.

پشکا سێیێ ل سەر سیاسەتا عیراقێ یا گازێ و هەلوێستێ پارتی دیموکراتی کوردستان، د ناڤبەرا سالێن (١٩٧٠-١٩٧٥)دایە و سێ تەوەرا ب خۆڤەدگریت، بەحسا دانوستاندنێن خۆمالیکرنا گازێ د گەل کۆمپانیێن گازێ و هەلوێستێ پارتی دیموکراتی کوردستان د ناڤبەرا سالێن (١٩٧٠-١٩٧٢)، یاسایا خۆمالیکرنا گازێ ژمارە (٦٩)یا سالا ١٩٧٢ و هەلوێستێ پارتی دیموکراتی کوردستان، سیاسەتا عیراقێ یا گازێ پاش خۆمالیکرنا گازێ و هەلوێستێ پارتی د ناڤبەرا سالێن (١٩٧٣-١٩٧٥)، دکەت.