Di koleksiyonê de bigere, bi kategorî, ziman, û dîroka weşanê parzûn bike.
1.361 encam
Piştî serketina şoreşa 14ê tîrmeha 1958an, rûxandina rejîma padîşahî li Îraqê û dayîna destûra xebata fermî ji aliyê hikûmeta komarî ve, Kongreya Sêyem a rêxistina (Yekîtiya Xwendekarên Kurdistanê), sala 1961ê bi awayekî eşkere li bajarê Bexdayê hat lidarxistin.
Di 5ê kanûna paşîn a 1987an de artêşa Îraqê û hêzên çekdar ên kirêgirtî (cahş) bi piştevanîya tank, zirêpoş, top û balafirên şer, êrîşeke berfireh li ser Hêzên Pêşmerge li navçeya Etruş, Şêxan û derdora wê pêk anîn. Şer 13 heta 15 rojan berdewam kir. Her çend hêzên hikûmetê karîn dest deynin ser hinek cihan, lê di dawîyê de Hêzên Pêşmerge bi piştevanîya hêza berevanîya gel a niştecihên navçeyê karîn li hember wan bisekinin û wan têk bibin.
Kongreya Nehemîn a Partiya Dêmokrata Kurdistanê- (Partiya Dêmokrata Kurdistanê - Îraq – 10ê çiriya paşîn a 1979ê), piştî koça dawî ya serok Mistefa Barzanî û bi biryara civîna Şawane li kampa penaberan a bajarê Zêweyê li Rojhilatê Kurdistanê hat encamdan.
Eniya Kurdistanî wek hevbendiyeke siyasî û serbazî ya berfireh; di navbera partiyên sereke yên Başûrê Kurdistanê de, di dawiya heştêyên sedsala bîstan de hat damezrandin. Ev enî wek çetireke neteweyî, kir ku Kurdistan bi hev re rûbirûyê siyasetên qirkirinê yên rejîma Beis bibin, dengê gelê Kurd bigihînin navendên navneteweyî, paşê jî serkirdatiya raperîna sala 1991ê û yekemîn hilbijartina dêmokratîk li Kurdistanê bike.
Kongreya Yekem yan jî (damezrandin)a Partiya Dêmokrata Kurdistanê - (Partiya Dêmokrat a Kurd a Îraqê - 16ê Tebaxa 1946ê), li ser raspardeya general Mistefa Barzanî li Bexdayê bi amadebûna 70 nûneran ji kesayetiyên Kurd ên başûrê Kurdistanê, bi awayekî نهێنی (veşartî) hat lidarxistin û tê de damezrandina partiyeke siyasî ya nû li başûrê Kurdistanê hat ragihandin.
Kongreya heftemîn a Yekîtiya Xwendekarên Kurdistanê di dîroka 30ê adara 1972an de, di bin siya rêkeftina 11ê adarê ya di navbera serkirdatiya şoreşê û hikûmeta navendî ya Îraqê de, di keşeke azad de li bajarê Silêmaniyê hat lidarxistin.
Konferansa duyem a Yekîtiya Xwendekarên Kurdistanê, piştî serkeftî nebûna serkirdatiya hilbijartî ya kongreya çarem a rêkxistawê di rapêrandina erk û karên xwe de, di serê meha tebaxa 1964an de li navçeya Kanî Masî ya nêzîkî bajarê Silêmaniyê hat lidarxistin.
Kongreya Dehemîn a Partiya Dêmokrata Kurdistanê- (Partiya Dêmokrata Kurdistanê – 2ê kanûna pêşîn a 1989an), piştî avakirina Bereya Kurdistanî di sala 1988an de û gelek guhertinên navçeyî û herêmî, li gundê Hêşmaweyê yê Rojhilatê Kurdistanê hat lidarxistin.
Kongreya Yanzdehêm a Partiya Dêmokrata Kurdistanê- (Partiya Dêmokrata Kurdistanê – Yekgirtû – 26ê Tebaxa 1993), piştî raperîna bihara sala 1991ê ya Başûrê Kurdistanê, damezrandina Encûmena Nîştimanî ya Kurdistanê û Hikûmeta Herêma Kurdistanê li Hewlêra paytexta Herêma Kurdistanê hat encamdan.
Şêx Qadir Seyîd Yûnis Seyîd Elî Seyîd Ehmedê Brîfkanî naskirî bi (Doktor Qadir Brîfkanî), bijîşk û ji kesayetiyên diyar ên Şoreşa Eylûlê ya mezin bû, sala 1926an li gundê Brîfka li qezaya Dihokê ser bi parêzgeha Mûsilê ya wê demê, ji dayik bûye, sala 1944an endamê Partiya Hîwa û sala 1946an endamê Partiya Dêmokrata Kurdistanê bûye, sala 1962an wek bijîşk peywendî bi Şoreşa Eylûlê dike heta neskoya şoreşê di sala 1975an de.
Her tim ew bawerî di nav de heye ku bi mirin an ji nav birin an terorkirina serokekî, dibe ku şoreşek an doza neteweyekê bi dawî bibe, lê ev her tim û li cem her neteweyekê rast dernakeve. Dijminên gelê Kurd gelek ji mêj ve ji vê rastiyê tê gihîştibûn ku serok Mistefa Barzanî biryarder û navenda giranî ya bizava rizgarîxwaza gelê Kurd e, lewma çend caran hewla terorkirina wî hat dayîn.
Sala 1969'an dema ku ez xwendekar bûm, di rêxistinên Partiya Dêmokrata Kurdistanê de bûm endam û niha jî ew şerefa endamtiyê li cem min maye ku lijneya navçeya Xaneqînê pêşkêşî min kir. Paşê di sala 1973'an de bi rêya lijneya navçeya Xaneqînê bûm Pêşmerge di batalyona duyem a Zozik de li navçeya Gelale ku wê demê Mûlazim Yûnis Rojbeyanî fermandarê batalyonê bû. Baregeha batalyona duyem a Zozik cara yekem li Simaqokê bû li cem Mamerût û Umerawa li nêzîkî Çomanê.
