شەهید یونس عەبدولعەزیز لە ساڵی ١٩٥٦ لە گوندی قورشاغلۆی سەربە ناحیەی قوشتەپەی پارێزگای هەولێر لە دایکبووە، گوندنشین بووە و سەرقاڵی کاری ئاژەڵداری بووە، ئاستی خوێندەواری سەرەتایی بووە، یونس عەبدولعەزیز خێزاندار بووە و خێزانی ناوی بەهیە سابر بووە و خاوەنی چوار کوڕ و سێ کچ بووە.
ساڵی ١٩٨٤ پەیوەندی کردووە بە شانەی نهێنی ڕێکخستنی شەهید خدر سوارە کە سەربە ڕێکخراوی قەرەچوغی پارتی دیموکراتی کوردستان بووە، لە ساڵی ١٩٨٥ و لە شۆڕشی گوڵان بۆتە پێشمەرگە لە ڕێکخراوی قەرەچوغی سەربە لێژنەی ناوچەی مەخموری لقی دووی پارتی دیموکراتی کوردستان. بەشداری شەڕی قوشتەپە، شەڕی مەخمور، مەفرەزەی پارتیزانی کردووە.
لە ٢٦ی ئابی ١٩٨٦ لە دەڤەری زورگە زراوی سەربە پارێزگای هەولێر، یونس عەبدولعەزیز و دەستەیەک هاوسەنگەری کەوتوونەتە بەر هێرشی بۆردومانی فڕۆکەی ڕژێمی بەعس و یونس عەبدولعەزیز شەهید بووە و هاوکات لەگەڵی چەند هاوسەنگەرێکی بە ناوەکانی ئەمیر عەبدولوەهاب، عەبدولئەمیر باقرتەیی، عەبدولوەهاب باقرتەیی شەهید بوونە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
