شەهید یاسین عەبدولەتیف محەمەدسەلیم، ساڵی ١٩٤٢ لە گوندی ستونێ سەربە ناحیەی شێروان مەزن قەزای مێرگەسۆر پارێزگای هەولێر لە دایک بووە. خێزاندار بووە، ساڵى ١٩٧٥ دواى نسکۆى شۆڕشی ئەیلوول ئاوارەى وڵاتى ئێران بووە و لە ئۆردوگاى زێوە نیشتەجێ بووە.
ساڵى ١٩٦١ پەیوەندى بە هێزى پێشمەرگەى شۆڕشی ئەیلوول کردووە و لەگەڵ میتۆ ئەحمەد ستونی لە قوەتى عەلى خەلیل بۆتە پێشمەرگە. بەشدارى شەڕەکانى گۆڕەز و سەرتیز و دەشتى هەریر و سپیلکى کردووە. ساڵى ١٩٧٦ پەیوەندى بە هێزى پێشمەرگەى شۆڕشی گوڵان کردووە و لە هێزى خەبات بە فەرماندەیی مەلحەم درى بۆتە پێشمەرگە تا ساڵى ١٩٩١ بەردەوام بووە، هەمان ساڵ لە هێزی شەهیدان بەردەوام بووە لە پێشمەرگایەتى. ساڵى ١٩٩٢ پلەى دەبیتە ئامر سریە لە هێزی شەهیدان و بەشدارى شەڕى دەڤەرى هەرکی بنەجێ دەکات.
ساڵى ١٩٩٤ لە سوپاى بارزان بۆتەوە پێشمەرگە، ساڵى ١٩٩٥ لە شەڕى ناوەخۆ لە ڕواندز شەهید بووە و لە گۆڕستانى لێلوک بەخاک سپێردراوە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
