کەمال عەباس خەلکانی

کەمال عەباس حەسەن، ساڵی ١٩٦٩ پەیوەندی بە ڕیزەکانی شۆڕشی ئەیلوول کردووە، دوای نسکۆی شۆڕشی ئەیلوول ئاوارەی وەڵاتی ئێران بووە، بەشداری شۆڕشی گوڵان کردووە، ساڵی ٢٠٢٢ مەدالیای بارزانی نەمری پێ بەخشراوە.


ژیاننامە:

کەمال عەباس حەسەن، ساڵی ١٩٥٥ لە گوندی خەلکان سەربە قەزای رواندزی پارێزگای هەولێر لە دایک بووە، خوێندنی سەرەتایی خۆی لە رواندز خوێندووە، بە هۆی شەڕ و ناڵەباری و بوردۆمانەکانی سوپای عێراق و هێرشەکانی بۆ سەر شۆڕش ئەیلوول باوکی ناچار بووە بەردەوام مالەکەی خۆی بگوازێتەوە ناوچەکانی تر، لەوانەش:  گوندەکانی زەروان، بەرسیرین، شێرکاوە، ماوان، ناوکێلەکان، پاشکۆزە، پردی زەرد، گەڵالە و بەم هۆیەوە نەیتوانیوە درێژە بە خوێندن بدات، لە شۆڕشی ئەیلوول باوکی شەهید بووە، دوای نسکۆی ١٩٧٥ی شۆڕشی ئەیلوول ئاوارەی رۆژهەڵاتی کوردستان بووە. ساڵی ١٩٨١ ژیانی هاوسەرگێری پێکهێناوە، ساڵی ١٩٩١ و دوای ڕاپەرینی خەڵکی کوردستان گەراوتەوە باشووری کوردستان.


خەباتنامە:

کەمال عەباس حەسەن، ساڵی ١٩٦٩ لە ڕێگای مامی خدر حەسەن خەلکانی، پێشمەرگە و هەڤاڵی جەنەڕاڵ مستەفا بارزانی بۆ یەکێتی سۆڤیەت، هاتووتە نێو ڕیزەکانی شۆڕشی ئەیلوول (١٩٦١- ١٩٧٥) و بووتە پێشمەرگە، ساڵی ١٩٧٥ دوای نسکۆی شۆڕشی ئەیلوول ئاوارەی وەڵاتی ئێران بووە، سەرەتای شۆڕشی گوڵان (١٩٧٦- ١٩٩١) بووتەوە پێشمەرگە و بەردەوامی بە خەباتی خۆی داوە لە هێزی بارزان، لە ماوەی پێشمەرگایەتی و بەشداری چەندین شەڕی کردووە و لەوانەش شەڕەکانی سەرتیز، گۆرەز، گەروی عومەر ئاغا، حاجی ئۆمەران، میرگەسۆر، دەشتی بەرازگر، کانیە ڕەش خواکوڕک، ساڵی ١٩٧٤ لە شەڕی سەرتیز بریندار بوو، ساڵی ١٩٨٣ و لە بۆسەیەکی چەکداری دوژمنان بریندار بووە و سەرەرای بریندار توانی هەڤاڵانی خۆی بپارێزێ و لەو بۆسەیە دەربازیان بکات کە بەم هۆیەوە لە لایەن سەرۆک مسعود بارزانی خەلات کراوە، ساڵی ١٩٩٧ و لە شەڕی چیای سەقەر لە سیدەکان بەسەختی بریندار بوو، بەشداری لە شەڕی ناوخۆ کردووە (١٩٩٤- ١٩٩٨)، پاراستنی دەسەڵات سەروەری یاسا لەگەڵ پەکەکە (١٩٩٢- ١٩٩٩)، هەروەها بەشداری شەڕی داعش و حەشدی شەعبی کردووە لە نێوان ساڵانی (٢٠١٤-٢٠١٧)، ساڵی ٢٠٢٢ لە کۆنگرەی چواردەیەمی پارتی دیموکراتی کوردستان  لە شاری دهۆک بە هۆی خەبات و خزمەتی بۆ رزگاری کورد و کوردستان و رێبازی بارزانی نەمر لە لایەن سەرۆک مەسعود بارزانی مەدالیای بارزانی پێبەخشراوە.


سه‌رچاوه‌:

١- ئەرشیفى دەستەى ئینسکلۆپیدیاى پارتى دیموکراتى کوردستان.


بابەتی پەیوەندیدار

فەقێ ئەحمەد پشدەری

ئەحمەد محەمەد ئەبوبەکر، ناسراو بە (فەقێ ئەحمەد پشدەرى)، ساڵى ١٩٢٢ لە گوندى دەلگە لە ناوچەى پشدەر لە ناحیەى هێرۆ سەر بە قەزاى قەڵادزێ پارێزگاى سلێمانى لە دایک بووە، ساڵى ١٩٥٨ پەیوەندى بە ڕیزەکانى پارتى دیموکراتى کوردستان کردووە، ساڵى ١٩٦١ پەیوەندى بە هێزی پێشمەرگەى شۆڕشی ئەیلوول کردووە، ساڵى ١٩٧٥ دوای نسکۆی شۆڕشی ئەیلوول (١٩٦١- ١٩٧٥) ئاوارەى وڵاتى ئێران بووە، لە ٤ى تشرینى یەکەمى ١٩٧٩ وەک ئەندامى کۆنگرە بەشدارى لە کۆنگرەى نۆیەمى پارتى دیموکراتى کوردستانی لە ڕۆژهەڵاتی کوردستانی کردووە.

زانیاری زیاتر

خالید تەها عەلی

خالید تەھا عەلی ساڵی ١٩٤٥ لە پارێزگای دھـۆک لەدایـــــک بـــــووە. ڕۆژی ٤ی نیسانی١٩٦٢ پەیوەندی بە شۆڕشی ئەیلوولەوە کردووە، ساڵی ١٩٧٠ بووەتەسکرتێری سەندیکای کرێکـارانی دھـۆک، دوای نسکۆی شۆرشی ئەیلوول لەساڵی ١٩٧٥ئاوارەی رۆژهەڵاتی کوردستان، لەساڵی ١٩٨٩ چووەتە وڵاتی نەمسا، ساڵی ١٩٩٩ گەراوەتەوە بۆ کوردستان، لە رۆژی ١٥ی کانونی یەکەمی ٢٠١٠ میدالیای بارزانی پێ بەخشراوە.

زانیاری زیاتر

حەمید حەیدەر ئەرگوشی

حەمیـد حەیـدەر ئەحمەد، ناسراو بە (حەمید ئەرگۆشى)، لە دایک بووی گوندى ئەرگۆشى ناحیەى شێروان مەزنە، ساڵى ١٩٥٩ پەیوەندى بە ڕیزەکانى پـارتی دیمـوکراتی کوردسـتان کردووە، ساڵى ١٩٦١ پەیوەندى بەهێزى پێشمەرگەى شۆڕشی ئەیلوول کردووە و بۆتە پێشمەرگە. ساڵی ١٩٧٩ پەیوەندی بە هێزى پێشمەرگەى شۆڕشی گوڵان کردووە، لە ١٥ی کانونی یەکەمی ٢٠١٠ میدالیای بارزانی پێ بەخشراوە.

زانیاری زیاتر

خەمەد بارزانى

خەمەد میـــرحەمەد فەتـــاح، ناسراو بە (خەمەد بارزانى)، ساڵى ١٩٤٩ لە ناحیەى گۆڕەتووی قەزاى مێرگەسۆر لەدایک بووە، ساڵى ١٩٧٢ پەیوەندى بەهێزى پێشمەرگەى شۆڕشی ئەیلوول کردووە، ساڵى ١٩٧٤ گوازراوەتە بۆ هێزى کاوەى لەشکرى کوردستان، ساڵى ١٩٧٧ لەلایەن هەواڵگرى ڕژێمى عێراق دەستگیرکراوە، لە ١٥ی کانوونى یەکەمى ٢٠١٠ لە کۆنگرى ١٣ى پارتی دیموکراتی کوردستان، میدالیای بارزانی پێ بەخشراوە

زانیاری زیاتر

جەوهەر ئاغاى غەفور ئاغاى لێوژە

جەوهەر غەفور ئیسماعیل، ناسراو بە (جەوهەر ئاغاى غەفور ئاغاى لێوژە)، ساڵى ١٩٢٨ لە گوندی لێوژە لە ناحیەى ناودەشت لە قەزاى قەڵادزێ سەر بە پارێزگاى سلێمانى لە دایک بووە، ساڵى ١٩٦١ پەیوەندى بە هێزى پێشمەرگەى شۆڕشی ئەیلوول کردووە، ساڵى ١٩٧٦ پەیوەندى بە هێزى پێشمەرگەى شۆڕشی گوڵان کردووەتەوە، لە ١٦ى ئابى ١٩٩٦ لە یۆبیلى زێڕینى پارتى دیموکراتى کوردستان، میدالیاى بارزانى پێ بەخشراوە.

زانیاری زیاتر