ڕەسوڵ سالار فەرەج محەمەد، ساڵی ١٩٦٣ لە شاری بەغدا لە دایکبووە، دەرچووی قۆناغى ناوەندییە، لەبەر ئەوەى باوکى لەسەرەتای دەستپێکى شۆڕشی ئەیلوول دەبێتە پێشمەرگە بۆیە لە دەڤەرى باڵەکایەتى و قەزاى چۆمان نیشتەجێ دەبن، ساڵى ١٩٧٥ دواى نسکۆى شۆڕشى ئەیلوول لەگەڵ خانەوادەکەى ئاوارەى وڵاتى ئێران دەبێت، ساڵى ١٩٧٩ گەڕاونەتەوە کوردستان و لەشارى هەڵەبجە نیشتەجێ دەبن.
ساڵی ١٩٨٢ لە لێژنە ناوچەی هەڵەبجەی سەر بە لقی چواری پارتی دیموکراتی کوردستان دەبێتە پێشمەرگە. هەمان ساڵ لەکاتى ئەنجامدانى چالاکییەکى پارتیزانى لە گوندی شیرەمەڕی سەربە دەشتی شارەزوور کەوتوونەتە بۆسەی جاشی ڕژێمی بەعس، لەو شەڕە ڕەسول بەسەختی بریندار بووە.
ساڵى ١٩٨٣ لەگەڵ دوو هاوسەنگەرى بۆ ئەنجامدانى چالاکییەکى پارتیزانى دەگەڕێنەوە بۆ ناو شارى هەڵەبجە، لەکاتى ئەنجامدانى چالاکییە پارتیزانییەکە لەلەلایەن ئەمنى ڕژێم دەستگیر دەکرێن و ساڵى ١٩٨٥ بەرلێبوردنى گشتى دەکەون و ئازاد دەکرێن.
ساڵى ١٩٨٥دوای ئازاد بوونی ڕاستەوخۆ پەیوەندی کردۆتەوە بە هێزەکانی پارتی دیموکراتی کوردستان، ساڵی ١٩٨٦ پلەی فەرماندەی مەفرەزەی لقی چواری هێزى پێشمەرگەى سەربە لێژنەی ناوچەی هەڵەبجەی لقى چوارى پارتی دیموکراتى کوردستانى وەرگرتووە.
لە ١٠ى تشرینى یەکەمى ١٩٧٨ دواى ئەنجامدانى چالاکییەکى پارتیزانى لە ناو شارى هەڵبجە و لەکاتى گەڕانەوە کەوتوونەتە بۆسەی جاشی ڕژێمی بەعس، لە ئەنجامدا ڕەسول سالار شەهید بووە.
سەرچاوە:
ئەرشیفی دەستەی ئینسکلۆپیدیای پارتی دیموکراتی کوردستان
